Terrorist Encounter In Jammu : ജമ്മു കശ്മീരിൽ വന്‍ ഭീകരവേട്ട; രണ്ട് ഇടങ്ങളിലായി ആറ് ഭീകരരെ വധിച്ചു

കൊല്ലപ്പെട്ട രണ്ട് പേർ പാകിസ്ഥാന്‍ അതിർത്തി കടന്ന് എത്തിയ ഭീകരെന്ന് സുരക്ഷ സേന അറിയിച്ചു. ഏറ്റുമുട്ടലിൽ ഒരു സൈനികനും രണ്ട് പൊലീസുകാർക്കും പരിക്കേറ്റു.  

ശ്രീനഗര്‍: ജമ്മു കശ്മീരിൽ (Jammu And Kashmir) രണ്ട് ഇടങ്ങളിലായി നടന്ന ഏറ്റുമുട്ടലിൽ (Terrorist Encounter) ആറ് ഭീകരരെ സുരക്ഷാ സേന വധിച്ചു. കുൽഗാമിലും, അനന്തനാഗിലുമാണ് ഏറ്റുമുട്ടൽ. കൊല്ലപ്പെട്ടവരില്‍ രണ്ട് പേർ പാകിസ്ഥാന്‍ അതിർത്തി കടന്ന് എത്തിയ ഭീകരെന്ന് സുരക്ഷ സേന അറിയിച്ചു.

ഇരു സ്ഥലങ്ങളിലും തെരച്ചിൽ തുടരുകയാണ്. ഏറ്റുമുട്ടലിൽ ഒരു സൈനികനും രണ്ട് പൊലീസുകാർക്കും പരിക്കേറ്റു. ഇവരെ ആശുപത്രിയിലേക്ക് മാറ്റി. കൊല്ലപ്പെട്ട ഭീകരില്‍ നിന്നും നിരവധി ആയുധങ്ങള്‍ സൈന്യം പിടിച്ചെടുത്തു.