ആന്ധ്രയിലെ ട്രെയിന് അപകടം; മരണം ആറായി, 25 പേര്ക്ക് പരിക്ക്, ഹെല്പ് ലൈന് നമ്പര് പുറത്തിറക്കി
Synopsis
അപകടവുമായി ബന്ധപ്പെട്ട് റെയില്വെ മന്ത്രി അശ്വിനി വൈഷ്ണവില്നിന്ന് പ്രധാനമന്ത്രി നരേന്ദ്ര മോദി റിപ്പോര്ട്ട് തേടി
അമരാവതി: ആന്ധ്രയില് ട്രെയിനുകള് കൂട്ടിയിടിച്ചുണ്ടായ ദുരന്തത്തില് മരണസംഖ്യ ഉയരുന്നു. അപകടത്തില് മരിച്ചവരുടെ എണ്ണം ആറായി ഉയര്ന്നു. 25 പേര്ക്കാണ് അപകടത്തില് പരിക്കേറ്റത്. അപകടത്തിന്റെ പശ്ചാത്തലത്തില് റെയില്വെ മന്ത്രാലയം ഹെല്പ് ലൈന് നമ്പറുകള് പുറത്തുവിട്ടു. ആന്ധ്രയിലെ വിശാഖപട്ടണം റെയില്വെ സ്റ്റേഷന് കേന്ദ്രീകരിച്ചാണ് റെയില്വെ ഹെല്പ് ലൈന് ആരംഭിച്ചിരിക്കുന്നത്. ആന്ധ്രയിലെ വിഴിയനഗരത്തിലാണ് എതിർദിശയിലുള്ള ട്രെയിനുകൾ കൂട്ടിയിടിച്ച് അപകടമുണ്ടായത്. ഇന്ന് വൈകിട്ട് ഏഴ് മണിയോടെയാണ് അപകടമുണ്ടായത്.
അപകടം നടന്നശേഷം മൂന്നുപേരുടെ മരണമാണ് സ്ഥിരീകരിച്ചിരുന്നത്. ഇത് പിന്നീട് ആറായി ഉയരുകയായിരുന്നു. റായഗഡയിൽ നിന്ന് വിശാഖപട്ടണത്തേക്ക് പോവുകയായിരുന്ന പാസഞ്ചർ ട്രെയിനും പാലസ എക്സ്പ്രസുമാണ് കൂട്ടിയിടിച്ചത്. വിഴിയനഗര ജില്ലയിലെ കണ്ടകപ്പള്ളി എന്ന സ്ഥലത്താണ് അപകടമുണ്ടായത്. ഓവർ ഹെഡ് കേബിൾ പൊട്ടിയതിനാൽ പാസഞ്ചർ ട്രെയിൻ നിർത്തിയിട്ടിരിക്കുകയായിരുന്നു.
ഇതിലേക്ക് അതേ ട്രാക്കിലൂടെ വന്ന പാലസ എക്സ്പ്രസ് ഇടിച്ചു കയറി. പാസഞ്ചറിന്റെ മൂന്ന് ബോഗികൾ പാളം തെറ്റി. ആ ബോഗികളിൽ ഉണ്ടായിരുന്നവർ ആണ് മരിച്ചത്. സിഗ്നൽ പിഴവ് ആണോ അപകടത്തിന് കാരണം എന്ന് പരിശോധിക്കുമെന്ന് ഡിവിഷണൽ മാനേജർ അറിയിച്ചു. സ്ഥലത്ത് രക്ഷാ പ്രവർത്തനം തുടരുകയാണ്. അപകടവുമായി ബന്ധപ്പെട്ട് റെയില്വെ മന്ത്രി അശ്വിനി വൈഷ്ണവില്നിന്ന് പ്രധാനമന്ത്രി നരേന്ദ്ര മോദി റിപ്പോര്ട്ട് തേടി.
ഹെല്പ് ലൈന് നമ്പറുകള്
(ബിഎസ്എന്എല് നമ്പര്)
08912746330
08912744619
(എയര്ടെല് സിം)
8106053051
8106053052
(ബിഎസ്എന്എല് സിം)
8500041670
8500041671
ആന്ധ്രയിൽ ട്രെയിനുകൾ കൂട്ടിയിടിച്ച് 3 പേർ മരിച്ചു; 10 പേര്ക്ക് പരിക്കേറ്റു
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam