ഉത്തർപ്രദേശ് മന്ത്രി അതുൽ ​ഗാർ​ഗിന് കൊവിഡ് സ്ഥിരീകരിച്ചു

താനുമായി ഇടപഴകിയവർ എത്രയും വേ​ഗം കൊവിഡ് പരിശോധനയ്ക്ക് വിധേയരാകണമെന്ന് അദ്ദേഹം എല്ലാവരോടും അഭ്യർത്ഥിച്ചു. 

ലക്നൗ: ഉത്തർപ്രദേശിലെ സംസ്ഥാന ആരോ​ഗ്യ കുടുംബക്ഷേമ വകുപ്പ് മന്ത്രി അതുൽ ​ഗാർ​ഗിന് കൊവിഡ് സ്ഥിരീകരിച്ചു. താനുമായി ഇടപഴകിയവർ എത്രയും വേ​ഗം കൊവിഡ് പരിശോധനയ്ക്ക് വിധേയരാകണമെന്ന് അദ്ദേഹം എല്ലാവരോടും അഭ്യർത്ഥിച്ചു. 'ഓ​ഗസ്റ്റ് 15 ന് നടത്തിയ ആർടിപിസിആർ  പരിശോധനയിൽ എനിക്ക് കൊവിഡ് നെ​ഗറ്റീവായിരുന്നു പരിശോധനാ ഫലം. എന്നാൽ ഇന്നലെ നടത്തിയ റാപിഡ് ടെസ്റ്റിൽ പോസിറ്റീവ് സ്ഥിരീകരിച്ചു. ഓ​ഗസ്റ്റ് 16നും 18നും ഇടയിൽ ഞാനുമായി ഇടപഴകിയവർ കൊവിഡ് പരിശോധനയ്ക്ക് വിധേയരാകണം.' അതുൽ​ ​ഗാർ​ഗ് ട്വീറ്റ് ചെയ്തു.

ഉത്തർപ്രദേശിൽ രണ്ട് മന്ത്രിമാർ കൊവിഡ് ബാധിച്ചതിനെ തുടർന്ന് മരിച്ചിരുന്നു. ഉന്നതവിദ്യാഭ്യാസ മന്ത്രി കമൽ റാണി വരുൺ,  ചേതൻ ചൗഹാൻ എന്നിവരാണ് മരിച്ചത്. ഉത്തർപ്രദേശിൽ 4186 കൊവിഡ് കേസുകളാണ് പുതിയതായി റിപ്പോർട്ട് ചെയ്തത്.