5 വര്ഷം പ്രകടമായി ഇസ്ലാംമതം ആചരിച്ചാലേ വഖഫിന് സ്വത്ത് നല്കാനാവൂ,പുതുക്കിയ ബില് അംഗീകരിച്ച് കേന്ദ്രമന്ത്രിസഭ
Synopsis
കളക്ടർമാർക്ക് പകരം തർക്ക പരിഹാര ചുമതല മുതിർന്ന സർക്കാർ ഉദ്യോഗസ്ഥർക്ക് നല്കും. .തര്ക്കമുള്ള കേസുകളില് വഖഫ് സ്വത്തുക്കള് വിജ്ഞാപനംചെയ്ത് രണ്ടുവര്ഷം കഴിഞ്ഞാലും കൃത്യമായ തെളിവുണ്ടെങ്കില് കേസിന് പോകാം.
ദില്ലി:സംയുക്ത പാര്ലമെന്ററി സമിതി നിര്ദ്ദേശിച്ച വിവിധ ഭേദഗതികള് ഉള്പ്പെടുത്തിയ പുതുക്കിയ വഖഫ്ബില്ലിന് കേന്ദ്ര മന്ത്രിസഭ അംഗീകാരം നല്കി.പുതുക്കിയ വഖഫ് ബിൽ മാർച്ച് രണ്ടാം വാരം അവതരിപ്പിക്കും. ജെപിസി നല്കിയ ചില ശുപാർശകൾ കൂടി അംഗീകരിച്ചാണ് ബില്ല് പുതുക്കിയത്. കളക്ടർമാർക്ക് പകരം തർക്ക പരിഹാര ചുമതല മുതിർന്ന സർക്കാർ ഉദ്യോഗസ്ഥർക്ക് നല്കും
ഈ മാസം ഫെബ്രുവരി 19 ന് നടന്ന യോഗത്തിലാണ് ബില്ലിലെ ഭേദഗതികൾക്ക് മന്ത്രിസഭ അംഗീകാരം നൽകിയത്. ഭേദഗതി ചെയ്ത ബിൽ മാർച്ച് 10 ന് സഭ വീണ്ടും സമ്മേളിക്കുമ്പോൾ അവതരിപ്പിക്കും.ബിജെപിയുടെ 22 ഭേദഗതികൾ അംഗീകരിച്ച ജെപിസി പ്രതിപക്ഷത്തിന്റെ 44 ഭേദഗതികൾ നേരത്തെ തള്ളിയിരുന്നു. സംയുക്ത പാർലമെന്ററി കമ്മിറ്റി നിർദ്ദേശിച്ച 23 മാറ്റങ്ങളിൽ 14 എണ്ണം മന്ത്രിസഭ അംഗീകരിച്ചത്. പുതുക്കിയ ബില്ലിലെ പ്രധാനനിർദ്ദേശങ്ങൾ ഇങ്ങനെ
. കളക്ടർമാർക്ക് പകരം തർക്ക പരിഹാര ചുമതല മുതിർന്ന സർക്കാർ ഉദ്യോഗസ്ഥർക്ക് നല്കും. അഞ്ചുവര്ഷം പ്രകടമായി ഇസ്ലാംമതം ആചരിച്ചാലേ വഖഫിന് സ്വത്ത് നല്കാനാവൂ.സംസ്ഥാനസര്ക്കാര് വഖഫ് പട്ടിക വിജ്ഞാപനംചെയ്താല് 90 ദിവസത്തിനകം വഖഫ് പോര്ട്ടലിലും ഡേറ്റാ ബേസിലും അപ്ലോഡ്ചെയ്യണം.തര്ക്കമുള്ള കേസുകളില് വഖഫ് സ്വത്തുക്കള് വിജ്ഞാപനംചെയ്ത് രണ്ടുവര്ഷം കഴിഞ്ഞാലും കൃത്യമായ തെളിവുണ്ടെങ്കില് കേസിന് പോകാം. സംസ്ഥാന വഖഫ് ബോര്ഡിന്റെ ചീഫ് എക്സിക്യുട്ടീവ് ഓഫീസര്മാരായി യോഗ്യരായ ആര്ക്കും വരാം.നിലവില് വഖഫ് രജിസ്ട്രേഷന് ഇല്ലാത്ത സ്വത്തുക്കള് വഖഫ് ആയി രജിസ്റ്റര്ചെയ്യുമ്പോള് പത്രപ്പരസ്യം നല്കണം.വഖഫ് സംബന്ധിച്ച ട്രൈബ്യൂണൽ വിധിക്കെതിരേ ഹൈക്കോടതിയെ സമീപിക്കാമെന്നും ബില്ലിൽ വ്യക്തമാക്കുന്നു
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam