വോട്ടിന് പണവും സമ്മാനങ്ങളും നല്‍കിയില്ല, തന്ന സാരിക്ക് ഗുണം പോര; പരസ്യമായി പ്രതിഷേധിച്ച് വോട്ടര്‍മാര്‍

2010ന് ശേഷം ആന്ധ്രയയില്‍ വോട്ടിന് പണമോ സമ്മാനങ്ങളോ നല്‍കുന്ന പ്രവണത വലിയ രീതിയില്‍ വര്‍ധിച്ചിട്ടുണ്ടെന്നാണ് രാഷ്ട്രീയ നിരീക്ഷകര്‍ വ്യക്തമാക്കുന്നത്

ഹൈദരാബാദ്: ആന്ധ്രയില്‍ വോട്ടിന് പണവും മറ്റ് സമ്മാനങ്ങളും നല്‍കി വോട്ടര്‍മാരെ സ്വാധീനിച്ചുവെന്നതിനുള്ള തെളിവ് പുറത്തുവരുന്നു. വോട്ട് ചെയ്താല്‍ നല്‍കാമെന്ന് ഏറ്റിരുന്ന പണവും സമ്മാനങ്ങളും എവിടെയെന്ന് ചോദിച്ച് രാഷ്ട്രീയ പാര്‍ട്ടിയുടെ പ്രാദേശിക നേതാവിനോട് തട്ടിക്കയറുന്ന വോട്ടര്‍മാരുടെ വീഡിയോ ആണ് പുറത്തുവന്നിരിക്കുന്നത്. 

ഇത് പക്ഷേ ഏത് പാര്‍ട്ടിയുടെ പ്രതിനിധിയാണെന്നത് ഇതുവരെ വ്യക്തമായിട്ടില്ല. പല്‍നാട് ജില്ലയിലെ സത്തെനാപ്പള്ളിയില്‍ നിന്നുള്ളതാണ് ഈ വീഡിയോ. 

മറ്റൊരിടത്ത് വൈഎസ്ആര്‍സിപി വിതരണം ചെയ്ത സാരിക്ക് ഗുണമേന്മ പോര എന്ന് കാട്ടി വോട്ടര്‍മാര്‍ പ്രതിഷേധമായി, തങ്ങള്‍ക്ക് കിട്ടിയ സാരികള്‍ വലിച്ചെറിയുന്ന വീഡിയോയും പുറത്തുവന്നിട്ടുണ്ട്. ഒരു വോട്ടിന് 3000 രൂപ മുതല്‍ 5000 രൂപ വരെ രാഷ്ട്രീയ പാര്‍ട്ടികള്‍ നല്‍കിയതായാണ് റിപ്പോര്‍ട്ടുകള്‍. 

2010ന് ശേഷം ആന്ധ്രയയില്‍ വോട്ടിന് പണമോ സമ്മാനങ്ങളോ നല്‍കുന്ന പ്രവണത വലിയ രീതിയില്‍ വര്‍ധിച്ചിട്ടുണ്ടെന്നാണ് രാഷ്ട്രീയ നിരീക്ഷകര്‍ വ്യക്തമാക്കുന്നത്. ഇത് ശരി വയ്ക്കുന്ന വീഡിയോകളാണ് ഇപ്പോള്‍ പുറത്തുവന്നിരിക്കുന്നത്. 

വീഡിയോ:-