സെല്ഫിയെടുക്കാന് പാലത്തില് കയറിയ 21കാരി ട്രെയിനിടിച്ച് മരിച്ചു, സുഹൃത്ത് ഗുരുതരാവസ്ഥയില്
Synopsis
വിനോദയാത്രക്കിടെ സെല്ഫിയെടുക്കാന് പാലത്തിന് മുകളില് കയറിയ യുവതി ട്രെയിനിടിച്ച് മരിച്ചു.
കൊല്ക്കത്ത: സെല്ഫിയെടുക്കാന് പാലത്തിന് മുകളില് കയറിയ യുവതി ട്രെയിനിടിച്ച് മരിച്ചു. കൂടെയുണ്ടായിരുന്ന സുഹൃത്തിന് ഗുരുതര പരിക്കേറ്റു. പശ്ചിമ ബംഗാളിലെ ജല്പൈഗുരിയില് ഞായറാഴ്ചയാണ് സംഭവം.
മൈനഗുരിയിലെ ഒരു കോച്ചിങ് സെന്ററിലെ വിദ്യാര്ത്ഥിയാണ് മരിച്ച യുവതി. വിനോദയാത്രയുടെ ഭാഗമായി ഖിസ് നദീതീരത്തെത്തിയതാണ് യുവതിയും സുഹൃത്തുക്കളും. സ്ഥലങ്ങള് കാണുന്നതിനിടെ രണ്ട് യുവതികള് സെല്ഫിയെടുക്കാനായി റെയില്പാളം കടന്നുപോകുന്ന പാലത്തിന് മുകളില് കയറുകയായിരുന്നു.
Read More: ഫോണ് ചെയ്യുന്നതിനിടെ രണ്ടാം നിലയില് നിന്ന് വീണ് പ്രവാസി മരിച്ചു
പാലത്തില് നിന്ന് സെല്ഫിയെടുക്കുന്നതിനിടെ എത്തിയ ട്രെയിന് യുവതിയെ ഇടിച്ചു തെറിപ്പിച്ചു. അപകടത്തിന്റെ ആഘാതത്തില് യുവതി പാലത്തില് നിന്ന് നദിയിലേക്ക് വീണ് മരിച്ചു. ട്രെയിന് വരുന്നത് കണ്ട് പാലത്തില് നിന്ന് ചാടിയ സുഹൃത്തായ യുവതി ഗുരുതര പരിക്കുകളോടെ നോര്ത്ത് ബംഗാള് മെഡിക്കല് കോളേജില് ചികിത്സയിലാണെന്ന് അധികൃതര് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam