അയോധ്യ സന്ദർശിക്കാനൊരുങ്ങി യോ​ഗി ആദിത്യനാഥ്; രാമക്ഷേത്ര നിർമ്മാണ പ്രവർത്തനങ്ങൾ പരിശോധിക്കും

കൊവിഡ‍് വ്യാപനത്തെ തുടർന്നുള്ള ലോക്ക് ഡൗൺ നടപ്പാക്കിയതിന് ശേഷം രണ്ടാം തവണയാണ യോ​ഗി ആദിത്യ നാഥ് രാമജന്മഭൂമി സന്ദർശിക്കുന്നത്.

ലക്നൗ: ഉത്തർപ്രദേശ് മുഖ്യമന്ത്രി യോ​ഗി ആദിത്യനാഥ് അയോധ്യയിലെ രാമജന്മ ഭൂമി സന്ദർശിക്കും. രാമക്ഷേത്ര നിർമ്മാണ പ്രവർത്തനങ്ങൾ പരിശോധിച്ച് വിലയിരുത്താനാണ് സന്ദറർശനമെന്ന് അധികൃതർ വ്യക്തമാക്കി. അയോധ്യയുടെ വിവിധ ഭാ​ഗങ്ങളിൽ നടക്കുന്ന വികസന പ്രവർത്തനങ്ങളുടെ പുരോ​ഗതിയും മുഖ്യമന്ത്രി പരിശോധിക്കും. 

ഞായറാഴ്ച ഉച്ചയ്ക്ക് ശേഷമാണ് മുഖ്യമന്ത്രിയുടെ സന്ദർശനമെന്ന് ജില്ലാ മജിസ്ട്രേറ്റ് അനൂജ് കുമാർ ഝാ വ്യക്തമാക്കി. ചില ക്ഷേത്രങ്ങളിലും സന്ദർശനം നടത്തും. കൊവിഡ‍് വ്യാപനത്തെ തുടർന്നുള്ള ലോക്ക് ഡൗൺ നടപ്പാക്കിയതിന് ശേഷം രണ്ടാം തവണയാണ യോ​ഗി ആദിത്യ നാഥ് രാമജന്മഭൂമി സന്ദർശിക്കുന്നത്. ഹനുമാൻ ​ഗാരി ക്ഷേത്രത്തിലും യോ​ഗി ആദിത്യനാഥ് എത്തും. 

മാർച്ച് 25 ന് രാംല്ലലാ വി​ഗ്രഹം മാറ്റി സ്ഥാപിച്ചപ്പോഴാണ് ഇദ്ദേഹം ഇവിടെയത്തിയത്. രാമക്ഷേത്ര നിർമ്മാണത്തിനായി 11 ലക്ഷം രൂപ വ്യക്തിപരമായി അദ്ദേഹം നൽകിയിട്ടുണ്ട്. സന്ദർശനത്തിന് ശേഷം ലക്നൗവിൽ തിരിച്ചെത്തി അദ്ദേഹം ബിജെപി നേതാക്കളുമായി കൂടിക്കാഴ്ച നടത്തും.