'പ്രണയത്തിനായി സ്ഥാനത്യാഗം ചെയ്തു', ഒടുവില് പ്രണയിനിയെ മുത്തലാഖ് ചൊല്ലി മുന് മലേഷ്യന് രാജാവ്
Synopsis
കഴിഞ്ഞ നവംബറിലാണ് 49 കാരനായ സുല്ത്താന് 25 കാരിയായ മിസ് മോസ്കോയെ വിവാഹം കഴിച്ചത്.
കോലാലംപൂര്: മലേഷ്യന് മുന് രാജാവ് മുഹമ്മദ് വി ഭാര്യയായ മുന് റഷ്യന് സുന്ദരിയെ മുത്തലാഖിലൂടെ വിവാഹമോചനം നടത്തിയതായി റിപ്പോര്ട്ട്. മുന് റഷ്യന് സുന്ദരിയായ റിഹാന ഒക്സാന ഗോര്ബറ്റെന്കോയുമായുള്ള വിവാഹബന്ധമാണ് സുല്ത്താന് മുത്തലാഖിലൂടെ വേര്പെടുത്തിയത്.
ജൂണ് 22- നാണ് മുഹമ്മദ് വി റിഹാനയെ മുത്തലാഖ് ചൊല്ലിയത്. അദ്ദേഹത്തിന്റെ അഭിഭാഷകന് വിവാഹമോചന വിവരം സ്ഥിരീകിരിക്കുകയും ചെയ്തു. എന്നാല് വിവാഹമോചന വാര്ത്ത അംഗീകരിക്കാത്ത റിഹാന താന് ഇപ്പോഴും സുല്ത്താന്റെ ഭാര്യയാണെന്ന് പറയുകയും ഇരുവരും ചേര്ന്നുള്ള ചിത്രങ്ങള് അവര് സാമൂഹിക മാധ്യമങ്ങളില് പങ്കുവെയ്ക്കുകയും ചെയ്തു.
കഴിഞ്ഞ നവംബറിലാണ് 49 കാരനായ സുല്ത്താന് 25 കാരിയായ മിസ് മോസ്കോയെ വിവാഹം കഴിച്ചത്. എന്നാല് വിവാഹത്തിന് പിന്നാലെ രാജകുടുംബത്തിലുണ്ടായ അസ്വാരസ്യങ്ങളെ തുടര്ന്ന് സുല്ത്താന് സ്ഥാനാത്യാഗം ചെയ്തിരുന്നു. കാലാവധി പൂര്ത്തിയാക്കാതെ സ്ഥാനമൊഴിയുന്ന ആദ്യ രാജാവാണ് സുല്ത്താന് മുഹമ്മദ്.
2017- ഏപ്രിലിലാണ് സുല്ത്താന് മുഹമ്മദ് മലേഷ്യയുടെ രാജാവായി തെരഞ്ഞെടുക്കപ്പെട്ടത്. രാജ്യത്തിന്റെ ഭരണാധികാരം പ്രധാനമന്ത്രിയിലും പാര്ലമെന്റിലും നിക്ഷിപ്തമാണെങ്കിലും സുല്ത്താനെ ആദരവോടെയാണ് മലേഷ്യക്കാര് കാണുന്നത്.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam