എസ്.എം.എ. ബാധിച്ച മുക്കത്തെ കുരുന്നുകളുടെ ചികിത്സ; ഇതുവരെ ലഭിച്ചത് 21.5 കോടി, 10 ദിവസത്തിനുള്ളിൽ 50 കോടി ലക്ഷ്യം, മരുന്നിനായി കോട്ടേഷൻ ഉടൻ നൽകും

Published : Nov 17, 2026, 10:43 AM IST
SMA children

Synopsis

ചികിത്സക്ക് ആവശ്യമായ മരുന്നിനായുള്ള കോട്ടേഷൻ ഉടൻ നൽകുമെന്ന് കമ്മറ്റി അറിയിച്ചു. 'സോൾജെൻസ്മ' (Zolgensma) ജീൻ തെറാപ്പി മരുന്നിന്റെ ഉൽപ്പാദകരായ നോവാർട്ടിസ് കമ്പനിയുടെ പ്രതിനിധികളുമായി ചർച്ച നടത്തി. മരുന്നിന്റെ വിലയിൽ പരമാവധി ഇളവും മറ്റ് ആനുകൂല്യങ്ങളും ലഭ്യമാക്കാൻ നീക്കം നടക്കുകയാണ്.

കോഴിക്കോട്: അപൂർവ ജനിതക രോഗമായ എസ്.എം.എ. ബാധിച്ച മുക്കത്തെ മൂന്ന് കുരുന്നുകളുടെ ചികിത്സയ്ക്കായി ഇതുവരെ ലഭിച്ചത് 21.5 കോടി രൂപ. ഒരുമാസത്തിനിടെ ആണ് 21,55,60,308 രൂപ അക്കൗണ്ടിൽ എത്തിയത്. 10 ദിവസത്തിനിടെ 50 കോടി ലക്ഷ്യം പൂർത്തിയാക്കാനാണ് നീക്കം. മൂന്ന് കുട്ടികളുടെയും ചികിത്സ ഒരുമിച്ച് തുടങ്ങാനാണ് ശ്രമം. ഒറ്റ പ്രസവത്തിലുണ്ടായ കല്ലുരുട്ടി പൂവ്വത്തേരിച്ചാലിൽ ഡേവിഡ്, ഏഥൻ, ഒലിവർ എന്നീ മൂന്ന് കുരുന്നുകളുടെ ചികിത്സയ്ക്കായാണ് ചികിത്സാസഹായ കമ്മിറ്റിയുടെ നേതൃത്വത്തിൽ ധനസമാഹരണം നടത്തുന്നത്. കുരുന്നുകളുടെ ചികിത്സാസഹായത്തിനായി ജനപ്രതിനിധികളും സാമൂഹിക-രാഷ്ട്രീയ നേതാക്കളും നാട്ടുകാരും കൈകോർത്ത് വിപുലമായ ജനകീയ കമ്മിറ്റിക്ക് രൂപം നൽകുകയായിരുന്നു.

പ്രിയങ്കാഗാന്ധി എം.പി, എം.കെ. രാഘവൻ എം.പി., എം.എൽ.എ.മാരായ സി.കെ. കാസിം, പി.കെ. ഫിറോസ്, ജില്ലാ പഞ്ചായത്ത് പ്രസിഡൻറ് മില്ലി മോഹൻ, മുക്കം നഗരസഭാ അധ്യക്ഷ കെ.പി. ചാന്ദ്നി എന്നിവർ രക്ഷാധികാരികളായ കമ്മിറ്റിയാണ് ധനസമാഹരണം നടത്തുന്നത്. ചികിത്സക്ക് ആവശ്യമായ മരുന്നിനായുള്ള കോട്ടേഷൻ ഉടൻ നൽകുമെന്ന് കമ്മറ്റി അറിയിച്ചു. 'സോൾജെൻസ്മ' (Zolgensma) ജീൻ തെറാപ്പി മരുന്നിന്റെ ഉൽപ്പാദകരായ നോവാർട്ടിസ് കമ്പനിയുടെ പ്രതിനിധികളുമായി ചർച്ച നടത്തി. മരുന്നിന്റെ വിലയിൽ പരമാവധി ഇളവും മറ്റ് ആനുകൂല്യങ്ങളും ലഭ്യമാക്കാൻ നീക്കം നടക്കുകയാണ്.

ഇതിനിടെ ചികിത്സാ ധനസഹായ ഫണ്ടിനായി പണം അയക്കരുതെന്ന വ്യാജ പ്രചാരണം ഫണ്ട് സമാഹരണത്തിന് തിരിച്ചടിയായിരുന്നു. ചികിത്സയ്ക്ക് ആവശ്യമായ 50 കോടി രൂപ തികഞ്ഞെന്നും ആരും പണം അയക്കരുതെന്നുമാണ് വാട്സ് ആപ്പിലൂടെയുള്ള ഓഡിയോ സന്ദേശം. ഇതിനെതിരെ സഹായ സമിതി പൊലീസിൽ പരാതി നൽകിയിട്ടുണ്ട്.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

ചാല സ്വർണക്കവർച്ച: ഗൂഢാലോചനയിൽ കൂടുതൽ പേ‍‍‍ർ? ജ്വല്ലറിയുടമ ജയറാമിനെ വീണ്ടും ചോദ്യം ചെയ്യും
ആദ്യം വെട്ട്, പിന്നെ തിരുന്നത്! പയ്യന്നൂർ സഹകരണ വാരാഘോഷത്തില്‍ വി കുഞ്ഞിക‍ൃഷ്ണനെ വെട്ടിയ നടപടി തിരുത്തി സംഘാടകര്‍