പുഴയിൽ കുളിക്കാനിറങ്ങിയ 7 വയസുകാരന് ദാരുണാന്ത്യം; ഒപ്പമുണ്ടായിരുന്ന 12 വയസുകാരൻ ചികിത്സയിൽ

വൈകിട്ട് 4 മണിയോടെയാണ് അഞ്ചു പേർ അടങ്ങുന്ന സംഘം കുളിക്കാൻ ഇറങ്ങിയത്. രക്ഷപ്പെട്ടവരാണ് അപകടത്തിൽപ്പെട്ട വിവരം വീട്ടുകാരെ അറിയിച്ചത്

മലപ്പുറം: മലപ്പുറം എടരിക്കോട് പുതുപ്പറമ്പിൽ പുഴയിൽ കുളിക്കാൻ ഇറങ്ങിയ 7 വയസ്സുകാരന് ദാരുണാന്ത്യം. പുതുപ്പറമ്പ് സ്വദേശി ജംഷീറിന്റെ മകൻ സൈഫുല്‍ മസ്നാനാണ് മരിച്ചത്. കൂടെയുണ്ടായിരുന്ന 12 വയസ്സുകാരൻ ഹാഫിസ് കോട്ടക്കലിലെ സ്വകാര്യ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലാണ്. വൈകിട്ട് 4 മണിയോടെയാണ് അഞ്ചു പേർ അടങ്ങുന്ന സംഘം കുളിക്കാൻ ഇറങ്ങിയത്. രക്ഷപ്പെട്ടവരാണ് അപകടത്തിൽപ്പെട്ട വിവരം വീട്ടുകാരെ അറിയിച്ചത്.