നിലം ഒരുക്കാതെ വിത്ത് വിതച്ചെന്ന് പരാതി, ആമല്ലൂർ പാടശേഖരത്തിൽ കൃഷി മന്ത്രിയുടെ പരിശോധന

തട്ടിപ്പ് നടത്താൻ ആണോ ഈ രീതിയിൽ കൃഷി നടത്തിയതെന്ന് അന്വേഷിക്കും എന്ന് മന്ത്രി

പത്തനംതിട്ട : പത്തനംതിട്ട തിരുവല്ല ആമല്ലൂർ പാടശേഖരത്തിൽ കൃഷി മന്ത്രിയുടെ പരിശോധന. നിലം ഒരുക്കാതെ പാടത്ത് വിത്ത് വിതച്ചെന്ന പരാതിയെ തുടർന്നാണ് പരിശോധന നടത്തിയത്. ഏതെങ്കിലും തട്ടിപ്പ് നടത്താൻ ആണോ ഈ രീതിയിൽ കൃഷി നടത്തിയതെന്ന് അന്വേഷിക്കും എന്ന് മന്ത്രി പി പ്രസാദ് വ്യക്തമാക്കി. പാടത്തെ കളനീക്കം ചെയ്യാതെയാണ് 24 ഏക്കറിൽ വിത്ത് വിതച്ചത്. സംസ്ഥാനത്ത് മറ്റ് എവിടെയെങ്കിലും ഈ രീതിയിൽ കൃഷി ചെയ്തിട്ടുണ്ടോ എന്ന് പരിശോധിക്കും എന്നും മന്ത്രി വ്യക്തമാക്കി.