സര്‍ക്കാരിൻ്റെ പത്ത് ശതമാനം വികസനം പദ്ധതികൾ പോലും റിപ്പോര്‍ട്ട് ചെയ്യുന്നില്ല; മാധ്യമങ്ങൾക്കെതിരെ മന്ത്രി ബാലൻ

മലയാള സിനിമയിലെ ആദ്യ നായിക നടി പി.കെ.റോസിക്കായി സ്മാരകം പണിതിട്ട് അതൊന്നും മാധ്യമങ്ങൾ കണ്ടിട്ടില്ല. ഒട്ടേറെ നല്ല കാര്യങ്ങൾ ചെയ്ത സർക്കാറിനെ ഒന്നും ചെയ്യാത്ത സർക്കാറായി അവതരിപ്പിക്കാനാണ് മാധ്യമങ്ങൾ ശ്രമിക്കുന്നതെന്നും എ.കെ.ബാലൻ

തിരുവനന്തപുരം: മാധ്യമങ്ങൾക്കെതിരെ രൂക്ഷവിമര്‍ശനവുമായി മന്ത്രി എ.കെ.ബാലൻ. മാധ്യമങ്ങൾ വിമോചനസമര കാലത്തെ മാനസിക അവസ്ഥയിലേക്ക് പോകുകയാണെന്നും സർക്കാർ ചെയ്യുന്ന വികസന പ്രവർത്തനങ്ങളുടെ പത്ത് ശതമാനം പോലും മാധ്യമങ്ങൾ റിപ്പോർട്ട് ചെയ്യുന്നില്ലെന്നും മന്ത്രി പറഞ്ഞു. മലയാള സിനിമയിലെ ആദ്യ നായിക നടി പി.കെ.റോസിക്കായി സ്മാരകം പണിതിട്ട് അതൊന്നും മാധ്യമങ്ങൾ കണ്ടിട്ടില്ല. ഒട്ടേറെ നല്ല കാര്യങ്ങൾ ചെയ്ത സർക്കാറിനെ ഒന്നും ചെയ്യാത്ത സർക്കാറായി അവതരിപ്പിക്കാനാണ് മാധ്യമങ്ങൾ ശ്രമിക്കുന്നതെന്നും എ.കെ.ബാലൻ പറഞ്ഞു. 

തിരുവനന്തപുരത്തിന്റെ പ്രാധാന്യം കുറയ്ക്കാണ് മറ്റിടങ്ങളിൽ അന്താരാഷ്ട്ര ചലച്ചിത്ര മേള നടത്തുന്നത് എന്ന് കള്ള പ്രചരണം ഉണ്ടായിരുന്നു. ആദ്യ ഘട്ടത്തിൽ അത് വിവാദമായി. പിന്നീട് ആ വിവാദം അവസാനിച്ചു. ചലചിത്ര മേഖലയിലെ പ്രശ്നങ്ങൾ പഠിച്ച ജസ്റ്റിസ് ഹേമ കമ്മീഷന്റെ ശുപാർകളെ ആസ്പദമാക്കിയുള്ള സമഗ്രമായ നിയമ നിർമ്മാണം കൊണ്ടു വരാൻ സര്‍ക്കാര്‍ ശ്രമം തുടരുകയാണെന്നും എ.കെ.ബാലൻ പറഞ്ഞു.