ദുർമന്ത്രവാദം നടത്തിയെന്നാരോപണം; ദളിത് ദമ്പതികളെ മരത്തിൽ കെട്ടിത്തൂക്കിയിട്ട് മർദ്ദിച്ചു

യദ്ദയ്യ, ഭാര്യ ശ്യാമള എന്നിവരെയാണ് നാട്ടുകാർ കെട്ടിത്തൂക്കിയിട്ട് മർദ്ദിച്ചത്. സംഭവത്തിൽ പൊലീസ് കേസെടുത്ത് അന്വേഷണം തുടങ്ങിയിട്ടുണ്ട്. മർദ്ദനമേറ്റ ദമ്പതികൾ ആശുപത്രിയിൽ ചികിത്സ തേടി. 

ഹൈ​ദരാബാദ്: തെലങ്കാനയിൽ ദളിത് ദമ്പതികളെ മരത്തിൽ കെട്ടിത്തൂക്കിയിട്ട് മർദ്ദിച്ചു. ദുർമന്ത്രവാദം നടത്തിയെന്നാരോപിച്ചായിരുന്നു ദമ്പതികൾക്കു നേരെയുള്ള ക്രൂരത. സംഗറെഡ്ഡി ജില്ലയിലെ കൊല്ലൂർ സദാശിവപേട്ട് മണ്ഡൽ മേഖലയിൽ ഇന്നലെയായിരുന്നു സംഭവം. യദ്ദയ്യ, ഭാര്യ ശ്യാമള എന്നിവരെയാണ് നാട്ടുകാർ കെട്ടിത്തൂക്കിയിട്ട് മർദ്ദിച്ചത്. സംഭവത്തിൽ പൊലീസ് കേസെടുത്ത് അന്വേഷണം തുടങ്ങിയിട്ടുണ്ട്. മർദ്ദനമേറ്റ ദമ്പതികൾ ആശുപത്രിയിൽ ചികിത്സ തേടി. 

അതേസമയം, വയനാട് പനമരം കൂളിവയലിൽ ഭർതൃ വീട്ടിൽ അന്ധവിശ്വാസത്തിന്‍റെ പേരിൽ പീഡനമെന്ന് യുവതിയുടെ പരാതി. വാളാട് സ്വദേശിയായ പത്തൊൻപതുകാരിയാണ് ഭർത്താവിനും ബന്ധുക്കൾക്കുമെതിരെ പരാതി നൽകിയത്. പരാതിയുടെ അടിസ്ഥാനത്തിൽ യുവതിയുടെ ഭർത്താവ് പനമരം കൂളിവയൽ സ്വദേശി ഇഖ്ബാൽ, ഇഖ്ബാലിൻ്റെ അമ്മ, സഹോദരി, സഹോദരീ ഭർത്താവ് എന്നിവർക്ക് എതിരെ പൊലീസ് കേസ് രജിസ്റ്റർ ചെയ്തു. ഭർതൃമാതാവിന്റെ അന്ധവിശ്വാസത്തിന് കീഴ്പ്പെട്ട്, ഭ‍ർതൃ കുടുംബം മാനസീകമായും ശാരീരികമായും പീഡിപ്പിക്കുന്നുവെന്നാണ് പൊലീസിന് നൽകിയ പരാതിയിൽ പറയുന്നത്. ഒൻപത് മാസം മുമ്പായിരുന്നു ഇഖ്ബാലുമായുള്ള പെൺകുട്ടിയുടെ വിവാഹം. അന്നുമുതൽ തന്നെ പീഡനം നേരിട്ടിരുന്നതായാണ് ആരോപണം. പരാതി വിശദമായി പരിശോധിച്ച ശേഷം തുട‍ർ നടപടി ഉണ്ടാകുമെന്ന് പനമരം പൊലീസ് അറിയിച്ചു.