വിസ തട്ടിപ്പിൽ പാർവതി മായ ഷാജിക്ക് ഇഡി കുരുക്കും; വിദേശത്തേക്ക് പണം കടത്തിയതിൽ പൊലീസ് ഇഡിക്ക് റിപ്പോർട്ട് നൽകും,മറ്റുപ്രതികൾക്കായി ലുക്കൗട്ട് നോട്ടീസ്

വിദേശത്ത് ജോലി വാ​ഗ്ദാനം ചെയ്ത് പണം തട്ടിയെന്ന കേസിലാണ് ആംസ്റ്റർ ഓവർസീസ് സിഇഒ പാർവതി മായ ഷാജിയെ പൊലീസ് അറസ്റ്റ് ചെയ്തത്. അർമേനിയ, പോളണ്ട്, കാനഡ, ഓസ്ട്രേലിയ തുടങ്ങിയ രാജ്യങ്ങളിൽ ജോലി വാ​ഗ്ദാനംചെയ്താണ് പണം തട്ടിയെടുത്തത്. പണം നഷ്ടപ്പെട്ടവർ നൽകിയ പരാതിയിൽ പാലാരിവട്ടം പൊലീസാണ് ആംസ്റ്റർ ഏജൻസി ഉടമകൾക്കെതിരേ കേസെടുത്തത്.

കൊച്ചി: ആംസ്റ്റർ ഓവർസീസ് സിഇഒ പാർവതി മായ ഷാജി ഉൾപ്പെട്ട വിസാ തട്ടിപ്പ് കേസിൽ കൊച്ചി പൊലീസ് തിങ്കളാഴ്ച ഇഡിക്ക് റിപ്പോർട്ട് നൽകും. പ്രതികൾ വിദേശത്തേക്ക് കടത്തിയ പണത്തിന്റെ വിവരങ്ങളടക്കമാണ് പൊലീസ് ഇഡിക്ക് റിപ്പോർട്ട് നൽകുക. അതിനിടെ കേസിലെ മറ്റുപ്രതികൾക്കായി പൊലീസ് ഉടൻ തന്നെ ലുക്കൗട്ട് നോട്ടീസ് പുറപ്പെടുവിക്കും. പാർവതിയുടെ പങ്കാളി അനീഷ് മേനോൻ ഉൾപ്പെടെയുള്ളവരാണ് കേസിലെ മറ്റുപ്രതികൾ. ഇതിൽ അനീഷ് അടക്കമുള്ളവർ വിദേശത്താണ്.

വിദേശത്ത് ജോലി വാ​ഗ്ദാനം ചെയ്ത് പണം തട്ടിയെന്ന കേസിലാണ് ആംസ്റ്റർ ഓവർസീസ് സിഇഒ പാർവതി മായ ഷാജിയെ പൊലീസ് അറസ്റ്റ് ചെയ്തത്. അർമേനിയ, പോളണ്ട്, കാനഡ, ഓസ്ട്രേലിയ തുടങ്ങിയ രാജ്യങ്ങളിൽ ജോലി വാ​ഗ്ദാനംചെയ്താണ് പണം തട്ടിയെടുത്തത്. പണം നഷ്ടപ്പെട്ടവർ നൽകിയ പരാതിയിൽ പാലാരിവട്ടം പൊലീസാണ് ആംസ്റ്റർ ഏജൻസി ഉടമകൾക്കെതിരേ കേസെടുത്തത്. പാലാരിവട്ടം പൊലീസ് രജിസ്റ്റർ ചെയ്ത രണ്ടുകേസുകളിൽ ഒന്നാംപ്രതിയാണ് പാർവതി. കേസിൽ പാർവതി പിടിയിലായ വാർത്തയറിഞ്ഞ് കൂടുതൽപേർ പരാതിയുമായി പൊലീസിനെ സമീപിച്ചിരുന്നു. അതിനിടെ, പാർവതി മായയുടെ ജാമ്യാപേക്ഷയിൽ കോടതി തിങ്കളാഴ്ച വിധി പറയും.

കോട്ടയത്ത് രജിസ്റ്റേർഡ് ഓഫീസും കൊച്ചി, കട്ടപ്പന, തൃശ്ശൂർ, തിരുവനന്തപുരം, കോഴിക്കോട് എന്നിവിടങ്ങളിലും, കൂടാതെ ബാംഗ്ലൂർ, ഒമാൻ, ദുബായ്, അബുദാബി, ബഹറിൻ, നേപ്പാൾ തുടങ്ങിയ വിദേശ കേന്ദ്രങ്ങളിലും ശാഖകളുള്ള വലിയ ഏജൻസിയാണ് ആംസ്റ്റർ. വിദേശരാജ്യങ്ങളിലേക്കുള്ള തൊഴിൽ സാധ്യതകൾ, സ്ഥിരതാമസത്തിനുള്ള സേവനങ്ങൾ, അതോടൊപ്പം ഉപരിപഠനത്തിനായുള്ള അവസരങ്ങൾ എന്നിവയാണ് ആംസ്റ്റര്‍ ഓവര്‍സീസ് നകിയിരുന്ന സേവനങ്ങൾ.