ആന്തൂര്; സാജന്റെ കണ്വെന്ഷന് സെന്ററിന് പ്രവര്ത്തനാനുമതി നല്കും
Synopsis
സാജന്റെ കുടുംബം നല്കിയ പുതിയ അപേക്ഷ അനുസരിച്ച് നഗരസഭ സെക്രട്ടറിയുടെ നേതൃത്വത്തില് കണ്വെന്ഷന് സെന്ററില് നടത്തിയ പരിശോധനയ്ക്കു ശേഷമാണ് തീരുമാനം ഉണ്ടായത്.
ആന്തൂര്: ആത്മഹത്യ ചെയ്ത പ്രവാസി വ്യവസായി സാജന് പാറയിലിന്റെ കണ്വെന്ഷന് സെന്ററിന് പ്രവര്ത്തനാനുമതി നല്കാന് നഗരസഭ തീരുമാനിച്ചു. സാജന്റെ കുടുംബം നല്കിയ പുതിയ അപേക്ഷ അനുസരിച്ച് നഗരസഭ സെക്രട്ടറിയുടെ നേതൃത്വത്തില് കണ്വെന്ഷന് സെന്ററില് നടത്തിയ പരിശോധനയ്ക്കു ശേഷമാണ് തീരുമാനം ഉണ്ടായത്.
നഗരസഭ ചൂണ്ടിക്കാണിച്ച അപാകതകള് പരിഹരിച്ച ശേഷമുള്ള പുതിയ പ്ലാന് ആണ് സാജന്റെ കുടുംബം ഇന്ന് അപേക്ഷയ്ക്കൊപ്പം സമര്പ്പിച്ചത്. തുറസ്സായ സ്ഥലത്ത് നിര്മ്മിച്ച വാട്ടര് ടാങ്ക് പൊളിക്കാന് പ്രായോഗിക ബുദ്ധിമുട്ടുണ്ടെന്നും ഇക്കാര്യത്തില് ഇളവ് അനുവദിക്കണമെന്നും അപേക്ഷയില് ആവശ്യപ്പെട്ടിരുന്നു. ഇതനുസരിച്ച് വാട്ടര് ടാങ്ക് മാറ്റിസ്ഥാപിക്കാന് ആറ് മാസത്തെ കാലതാമസവും നഗരസഭ അനുവദിച്ചിട്ടുണ്ട്.
ചട്ടലംഘനങ്ങള് പരിഹരിച്ചെന്ന് ഉറപ്പാക്കിയ ശേഷം പ്രവര്ത്തനാനുമതി നല്കാനായിരുന്നു നഗരസഭയോട് സംസ്ഥാന സര്ക്കാര് നിര്ദ്ദേശിച്ചിരുന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam