'കെ.മുരളീധരൻ പൊതു പ്രവർത്തന രംഗത്ത് തുടരണം,ഒരു തോല്‍വിയുടെ പേരിൽ പൊതു പ്രവർത്തനം അവസാനിപ്പിക്കേണ്ട ആളല്ല'

പെട്ടന്നുള്ള വികാരത്തിൽ പറഞ്ഞതാകുമെന്ന് ബെന്നി ബഹനാന്‍.തൃശൂരിലെ പരാജയത്തിൽ ആത്മപരിശോധന വേണം.ആഴത്തിലുള്ള പരിശോധയാണ് വേണ്ടത്

എറണാകുളം:കെ.മുരളീധരൻ പൊതു പ്രവർത്തന രംഗത്ത് തുടരണമെന്ന് കോൺഗ്രസ് നേതാവ് ബന്നി ബഹനാൻ പറഞ്ഞു.ഒരു തിരഞ്ഞെടുപ്പു പരാജയത്തിന്‍റെ  പേരിൽ പൊതു പ്രവർത്തനം അവസാനിപ്പിക്കേണ്ട ആളല്ല മുരളിധരൻ.പെട്ടന്നുള്ള വികാരത്തിൽ പറഞ്ഞതാകും.തൃശൂരിലെ പരാജയത്തിൽ ആത്മപരിശോധന വേണം.ആഴത്തിലുള്ള പരിശോധയാണ് വേണ്ടത്.തൃശൂരിൽ ബി.ജെ.പി എങ്ങനെ വേരുറപ്പിക്കുന്നുവെന്ന് കോൺഗ്രസും സിപിഎമ്മും പഠിക്കണം.തടയണം.ബി.ജെ പിയുടെ വേരുകൾ പടരാതിരിക്കാനുള്ള ജാഗ്രതയും മുൻ കരുതലും ഉണ്ടാവണം.മുരളിയുമായി ഫോണിൽ സംസാരിച്ചു.കോൺഗ്രസ് വളരെയധികം ശ്രദ്ധിക്കേണ്ട ജില്ലയാണ് തൃശൂർ.20-20 ക്ക് വലിയ പ്രാധാന്യമൊന്നും താൻ നൽകുന്നില്ല.അവരുടെ ശക്തികേന്ദ്രമായ കുന്നത്തുനാട് തനിക്ക് ഭൂരിപക്ഷം നേടാനായെന്നും ബെന്നി ബഹ്നാൻ ഏഷ്യാനെറ്റ് ന്യൂസിനോട് പറഞ്ഞു