സർ സയ്യിദ് ഇൻസ്റ്റിറ്റ്യൂട്ട് തെരഞ്ഞെടുപ്പിൽ നോമിനേഷൻ നൽകി; കെഎസ്‍യു പ്രവർത്തകനെ എംഎസ്എഫ് - യൂത്ത് ലീഗ് പ്രവർത്തകർ മർദിച്ചതായി പരാതി

പരിക്കേറ്റ അജ്മൽ റോഷനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

കണ്ണൂർ: കെഎസ്‍യു പ്രവർത്തകനെ എംഎസ്എഫ് - യൂത്ത് ലീഗ് പ്രവർത്തകർ മർദിച്ചതായി പരാതി. കെഎസ്‍യു പ്രവർത്തകനായ അജ്മൽ റോഷനാണ് പരിക്കേറ്റത്. കണ്ണൂർ കാൾടെക്സിൽ വച്ച് ഇന്നലെ രാത്രിയായിരുന്നു മർദനം. പരിക്കേറ്റ അജ്മൽ റോഷനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. തളിപ്പറമ്പ് സർ സയ്യിദ് ഇൻസ്റ്റിറ്റ്യൂട്ടിലെ തെരഞ്ഞെടുപ്പിൽ നോമിനേഷൻ നൽകിയതാണ് മർദനത്തിന് പിന്നിലെന്നാണ് കെഎസ്‍യു ആരോപണം.