സിഒടി നസിർ വധശ്രമക്കേസ്; പന്ത്രണ്ട് പേരെ പ്രതി ചേർത്ത് പൊലീസ് കുറ്റപത്രം സമർപ്പിച്ചു

2019 മേയ് 18ന് രാത്രി തലശ്ശേരിയിൽ വച്ചാണ് നസീർ ആക്രമിക്കപ്പെട്ടത്. ആക്രമണത്തിന് പിന്നിൽ തലശ്ശേരി എംഎൽഎ എഎൻ ഷംസീറാണെന്ന് ആരോപണം ഉണ്ടായിരുന്നു.  

കണ്ണൂര്‍: സി ഒ ടി നസിർ വധശ്രമക്കേസിൽ പൊലീസ് കുറ്റപത്രം സമർപ്പിച്ചു. പന്ത്രണ്ട് പേരെ പ്രതി ചേർത്താണ് കുറ്റപത്രം സമർപ്പിച്ചത്. ഇവരെല്ലാം സിപിഎം പ്രവർത്തകരും അനുഭാവികളുമാണ്. പ്രതികൾക്കെതിരെ വധശ്രമം, ന്യായവിരുദ്ധ സംഘംചേരൽ, തെളിവ് നശിപ്പിക്കൽ ഉൾപെടെയുള്ള കുറ്റങ്ങളാണ് പ്രതികൾക്കെതിരെ ചുമത്തിയിരിക്കുന്നത്. 2019 മേയ് 18ന് രാത്രി തലശ്ശേരിയിൽ വച്ചാണ് നസീർ ആക്രമിക്കപ്പെട്ടത്. ആക്രമണത്തിന് പിന്നിൽ തലശ്ശേരി എംഎൽഎ എഎൻ ഷംസീറാണെന്ന് ആരോപണം ഉണ്ടായിരുന്നു.