കൊവിഡ് രോഗമുക്തനായി നാട്ടിലെത്തിയ യുവാവിനെ നിരീക്ഷണത്തിലിരിക്കെ മരിച്ച നിലയിൽ കണ്ടെത്തി

ദുബൈയിൽ വച്ച് തന്നെ ഇദ്ദേഹത്തിന് കൊവിഡ് സ്ഥിരീകരിച്ചിരുന്നു. രോഗം ഭേദമായി ആശുപത്രി വിട്ട ശേഷമാണ് ഇദ്ദേഹം നാട്ടിലേക്ക് മടങ്ങിയത്

മലപ്പുറം: വിദേശത്ത് നിന്ന് കൊവിഡ് മുക്തനായി നാട്ടിലെത്തിയ ശേഷം ക്വാറന്റീനിൽ കഴിഞ്ഞിരുന്ന യുവാവിനെ മരിച്ച നിലയിൽ കണ്ടെത്തി. മലപ്പുറം ജില്ലയിലെ കാളികാവിൽ വീട്ടിൽ നിരീക്ഷണത്തിൽ കഴിഞ്ഞിരുന്ന ചോക്കോട് സ്വദേശി ഇർഷാദലി(29) ആണ് മരിച്ചത്. ദുബൈയിൽ വച്ച് തന്നെ ഇദ്ദേഹത്തിന് കൊവിഡ് സ്ഥിരീകരിച്ചിരുന്നു. രോഗം ഭേദമായി ആശുപത്രി വിട്ട ശേഷമാണ് ഇദ്ദേഹം നാട്ടിലേക്ക് മടങ്ങിയത്.