ഏപ്രില് 1 മുതല് 45 ന് മുകളില് പ്രായമുള്ളവര്ക്ക് വാക്സീന്; ദിവസവും 2.50 ലക്ഷംപേര്ക്ക് വാക്സീന്
Synopsis
ഒരു ദിവസം 2.50 ലക്ഷം ആള്ക്കാര്ക്ക് എന്ന തോതില് 45 ദിവസം കൊണ്ട് വാക്സീനേഷന് നല്കാനാണ് ലക്ഷ്യമിടുന്നത്. സര്ക്കാര് ആശുപത്രികളിലും സ്വകാര്യ ആശുപത്രികളിലും ഇതിനായി കൂടുതല് വാക്സീനേഷന് കേന്ദ്രങ്ങള് ഒരുക്കുന്നതാണ്.
തിരുവനന്തപുരം: സംസ്ഥാനത്തെ കൊവിഡ് വാക്സിനേഷന് പ്രവര്ത്തനങ്ങള് ചീഫ് സെക്രട്ടറി വി പി ജോയിയുടെ നേതൃത്വത്തിലുള്ള ഉന്നതതലയോഗം വിലയിരുത്തി. ഏപ്രില് 1 മുതല് 45 വയസിന് മുകളില് പ്രായമുള്ളവര്ക്ക് വാക്സീന് നല്കും. കൂടുതല് ആള്ക്കാര്ക്ക് വാക്സീന് നല്കുന്നതിന്റെ ഭാഗമായി വിപുലമായ സംവിധാനങ്ങളാണ് വാക്സിനേഷനായി ഒരുക്കുന്നത്.
ഒരു ദിവസം 2.50 ലക്ഷം ആള്ക്കാര്ക്ക് എന്ന തോതില് 45 ദിവസം കൊണ്ട് വാക്സീനേഷന് നല്കാനാണ് ലക്ഷ്യമിടുന്നത്. സര്ക്കാര് ആശുപത്രികളിലും സ്വകാര്യ ആശുപത്രികളിലും ഇതിനായി കൂടുതല് വാക്സീനേഷന് കേന്ദ്രങ്ങള് ഒരുക്കുന്നതാണ്.
വാക്സീനേഷന് കേന്ദ്രത്തിലെത്തി വാക്സീന് സ്വീകരിക്കുവാന് പൊതുജനങ്ങള് തയ്യാറാകണമെന്ന് ആരോഗ്യവകുപ്പ് അഭ്യര്ത്ഥിച്ചു. 45 വയസിന് മുകളില് പ്രായമുള്ള എല്ലാവരും ലഭ്യമാകുന്ന ആദ്യ അവസരത്തില് തന്നെ വാക്സീന് സ്വീകരിച്ച് സുരക്ഷിതരാകണം.
കേന്ദ്ര ആരോഗ്യ മന്ത്രാലയത്തിന്റെ മാര്ഗനിര്ദേശ പ്രകാരം കോവിഷീല്ഡ് വാക്സീന് ആദ്യ ഡോസായി എടുത്തിട്ടുള്ളവര് രണ്ടാം ഡോസ് ആദ്യ ഡോസ് എടുത്ത് കഴിഞ്ഞ് 42 ദിവസം മുതല് 56 ദിവസത്തിനുള്ളില് എടുക്കണം. കോവാക്സിന് ആദ്യ ഡോസായി എടുത്തിട്ടുള്ളവര്, ആദ്യഡോസ് എടുത്ത് 28 ദിവസം കഴിഞ്ഞ് 42 ദിവസത്തിനുള്ളില് രണ്ടാം ഡോസ് സ്വീകരിക്കണം.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam