
തിരുവനന്തപുരം: പിഎസ്സി റാങ്ക് ഹോൾഡേഴ്സ് സമരം ഒത്തുതീർപ്പാക്കാനുള്ള ഉദ്യോഗസ്ഥതല ചര്ച്ച തുടങ്ങി. എൽജിഎസ്, സിപിഒ ഉദ്യോഗാർഥികളുമായാണ് ചർച്ച നടക്കുന്നത്. ആഭ്യന്തര സെക്രട്ടറി, എഡിജിപി മനോജ് എബ്രഹാം എന്നിവരാണ് സമരക്കാരുമായുള്ള ചർച്ചയിൽ പങ്കെടുക്കുന്നത്. സെക്രട്ടേറിയറ്റിൽ വച്ചാണ് ചർച്ച.
അതേസമയം, ഉദ്യോഗസ്ഥതല ചർച്ചയെ വിമർശിച്ച് യൂത്ത് കോൺഗ്രസ് രംഗത്തെത്തി. കേരളത്തിൽ ഉദ്യോഗസ്ഥഭരണമാണോ എന്നാണ് യൂത്ത് കോൺഗ്രസിന്റെ വിമർശനം. ജനപ്രതിനിധികളോ മന്ത്രിമാരോ മുഖ്യമന്ത്രിയോ ഇടപെട്ട് ചർച്ച നടത്തേണ്ടതല്ലേ എന്നാണ് അവരുടെ ചോദ്യം. എന്തുതന്നെയായാലും ഈ ചർച്ചയുടെ പുരോഗതി വിലയിരുത്തിയ ശേഷം കൂടുതൽ പ്രതികരിക്കാമെന്നും യൂത്ത് കോൺഗ്രസ് വ്യക്തമാക്കി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam