കനത്തമഴ: ആലപ്പുഴയിൽ വിദ്യാഭ്യാസ സ്ഥാപനങ്ങൾക്ക് അവധി, ഇക്കോ ടൂറിസം കേന്ദ്രം അടച്ചിടും
Synopsis
ജില്ലയിൽ ശിക്കാര വള്ളങ്ങള്, മോട്ടോര് ബോട്ടുകള്, മോട്ടോര് ശിക്കാരകള്, സ്പീഡ് ബോട്ടികള്, കയാക്കിംഗ് ബോട്ടുകള് എന്നിവയുടെ സര്വ്വീസ് നിര്ത്തി വെക്കാന് ജില്ല കളക്ടര് ഹരിത വി. കുമാര് ഉത്തരവിട്ടു.
ആലപ്പുഴ: കനത്ത മഴയെ തുടർന്ന് ആലപ്പുഴയിൽ വിദ്യാഭ്യാസ സ്ഥാപനങ്ങൾക്ക് കളക്ടർ അവധി പ്രഖ്യാപിച്ചു. പ്രൊഫഷണൽ കോളേജ് ഉൾപ്പടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധിയാണ്. ജില്ലയിൽ ശിക്കാര വള്ളങ്ങള്, മോട്ടോര് ബോട്ടുകള്, മോട്ടോര് ശിക്കാരകള്, സ്പീഡ് ബോട്ടികള്, കയാക്കിംഗ് ബോട്ടുകള് എന്നിവയുടെ സര്വ്വീസ് നിര്ത്തി വെക്കാന് ജില്ല കളക്ടര് ഹരിത വി. കുമാര് ഉത്തരവിട്ടു.
സംസ്ഥാനത്ത് ഇന്ന് 7 പനിമരണം; വില്ലനായി എച്ച്1എൻ1, എലിപ്പനി, ഡെങ്കിപ്പനി ബാധിതരുടെ എണ്ണവും കൂടുന്നു,
അതേസമയം, കാസർകോട് റാണിപുരം ഇക്കോ ടൂറിസം കേന്ദ്രം നാളെ മുതൽ അടച്ചിടും. തുടർച്ചയായ ദിവസങ്ങളിൽ ഓറഞ്ച് അലർട്ട് പ്രഖ്യാപിച്ചിട്ടുള്ളതിനാൽ സഞ്ചാരികളുടെ സുരക്ഷ കണക്കിലെടുത്താണു തീരുമാനമെന്ന് ഡി എഫ് ഒ കെ. അഷ്റഫ് അറിയിച്ചു. ഇനിയൊരു അറിയിപ്പുണ്ടാകും വരെ സഞ്ചാരികൾക്ക് പ്രവേശനമുണ്ടാകില്ല. വയനാട് കൽപ്പറ്റ മരവയലിൽ മതിൽ ഇടിഞ്ഞുവീണു. ആളപായമില്ല
കല്ലും മണ്ണും ഇടിഞ്ഞു വീണതിനെ തുടർന്ന് സമീപത്തെ റോഡിലേ ഗതാഗതം ഭാഗികമായി തടസ്സപ്പെട്ടു. അതേസമയം, ആലുവയിൽ പെരിയാറിൽ ജലനിരപ്പ് കുറഞ്ഞു. കടലിലേക്കുള്ള വെള്ളത്തിന്റെ ഒഴുക്ക് സുഗമമായതോടെയാണ് ജലനിരപ്പ് കുറഞ്ഞത്.
അസമിൽ കാണാതായ ചെങ്ങന്നൂര് സ്വദേശിയായ സിആര്പിഎഫ് ഉദ്യോഗസ്ഥനെ കണ്ടെത്തി