കൊച്ചി കോർപ്പറേഷന് മുന്നിൽ വയോധികന്റെ നിൽപ്പ് സമരം; 74കാരൻ പ്രതാപനാണ് കവാടത്തിന് മുന്നിൽനിന്ന് പ്രതിഷേധിക്കുന്നത്

അയൽവാസി പൊതുതോട് അടച്ചതിനെ തുടർന്ന് നായയുടെ വിസർജ്യം അടങ്ങിയ മലിനജലം സ്വന്തം വീട്ടിലേക്ക് ഒഴുകി എത്തുകയാണെന്നും ഇക്കാര്യത്തിലുള്ള തന്റെ പരാതി പരിഹരിക്കാൻ കോർപ്പറേഷൻ തയ്യാറാകുന്നില്ലെന്നുമാണ് പ്രതാപന്റെ ആരോപണം.

എറണാകുളം: കൊടും വെയിലത്ത് കൊച്ചി കോർപ്പറേഷന് മുന്നിൽ നിൽപ്പ് സമരം നടത്തി വയോധികൻ. വൈറ്റില സ്വദേശി പ്രതാപൻ എന്ന 74കാരനാണ് കോർപ്പറേഷൻ കവാടത്തിന് മുന്നിൽനിന്ന് പ്രതിഷേധിക്കുന്നത്. അയൽവാസി പൊതുതോട് അടച്ചതിനെ തുടർന്ന് നായയുടെ വിസർജ്യം അടങ്ങിയ മലിനജലം സ്വന്തം വീട്ടിലേക്ക് ഒഴുകി എത്തുന്നു. എന്നാൽ ഇക്കാര്യത്തിൽ പരാതി നൽകിയിട്ടും പരിഹരിക്കാൻ കോർപ്പറേഷൻ തയ്യാറാകുന്നില്ലെന്നാണ് പ്രതാപന്റെ ആരോപണം. നായ വളർത്തു കേന്ദ്രം അടച്ചുപൂട്ടണമെന്നും, മൂടിയ കാന തുറക്കണമെന്നുമാണ് പ്രതാപന്റെ ആവശ്യം. ഇതേത്തുടർന്നാണ് ഇപ്പോൾ നിൽപ്പ് സമരം നടത്തുന്നത്.