സംസ്ഥാനത്തെ ബിവറേജുകൾ നാളെ നേരത്തെ അടയ്ക്കും; ഇനി തുറക്കുക ഒക്ടോബര് 3ന്
Synopsis
അർദ്ധ വാർഷിക സ്റ്റോക്ക് പരിശോധനയെ തുടർന്ന് സംസ്ഥാനത്തെ ബിവറേജസ് ഔട്ട്ലെറ്റുകൾ സെപ്റ്റംബർ 30ന് രാത്രി 7 മണിക്ക് പ്രവർത്തനം അവസാനിപ്പിക്കുമെന്ന് ബെവ്കോ അറിയിച്ചു.
തിരുവനന്തപുരം: സംസ്ഥാനത്ത് നാളെ (സെപ്റ്റംബര് 30) ബിവറേജസ് ഔട്ട്ലെറ്റുകൾ പ്രവര്ത്തിക്കുക രാത്രി 7 മണി വരെ മാത്രം. അർദ്ധ വാർഷിക സ്റ്റോക്ക് ക്ലിയറൻസിനെ തുടര്ന്നാണ് ഔട്ട്ലെറ്റുകൾ നേരത്തെ പ്രവര്ത്തനം അവസാനിപ്പിക്കുക. ഒക്ടോബര് 1 ഡ്രൈ ഡേ ആയതിനാലും ഒക്ടോബര് 2 ഗാന്ധി ജയന്തിയായതിനാലും ഇനി ഒക്ടോബര് 3-ാം തീയതി മാത്രമേ ബിവറേജസ് ഔട്ട്ലെറ്റുകൾ തുറന്ന് പ്രവര്ത്തിക്കുകയുള്ളൂ.
ഒക്ടോബർ-2ന് ബിവറേജസ് കോര്പ്പറേഷന് മാത്രമല്ല, ബാറുകളും അവധിയായിരിക്കും. ത്രിവേണി സ്റ്റോറുകൾക്കും, കൺസ്യൂമർ ഫെഡ് ഷോപ്പുകൾക്കും ഇത് ബാധകമായിരിക്കും. ഒക്ടോബർ 1-ാം തീയതി ഉൾപ്പെടെ ഈ വർഷം ഇനി മൂന്ന് ഡ്രൈ ഡേകൾ കൂടിയാണുള്ളത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam