ശക്തമായ മഴ: വയനാട്ടിൽ വിനോദ സഞ്ചാരത്തിന് കർശന നിയന്ത്രണം, ദുർബല പ്രദേശങ്ങളിൽ താമസിക്കുന്നവരെ മാറ്റാന് നിര്ദേശം
Synopsis
ജില്ലയില് രണ്ട് ദിവസങ്ങളിലായി ശക്തമായ മഴ തുടരുന്ന സാഹചര്യത്തില് ക്വാറികള്, വിനോദസഞ്ചാര കേന്ദ്രങ്ങള്, സാഹസിക വിനോദസഞ്ചാര കേന്ദ്രങ്ങള്, ട്രക്കിംഗ് എന്നിവയ്ക്ക് നിയന്ത്രണം ഏര്പ്പെടുത്തി. ദുരന്ത സാധ്യത നേരിടുന്ന ദുർബല പ്രദേശങ്ങളിൽ താമസിക്കുന്നവരെ മാറ്റേണ്ടതുണ്ടെങ്കിൽ നടപടി സ്വീകരിക്കാൻ തദ്ദേശ സ്ഥാപനങ്ങൾക്ക് കളക്ടര് നിർദേശം നല്കി.
വയനാട്: ശക്തമായ മഴ തുടരുന്ന സാഹചര്യത്തില് വയനാട്ടിൽ വിനോദ സഞ്ചാര കേന്ദ്രങ്ങൾക്ക് നിയന്ത്രണം ഏര്പ്പെടുത്തി. വിനോദ സഞ്ചാര കേന്ദ്രങ്ങൾ, ട്രക്കിംഗ്, സാഹസിക വിനോദ സഞ്ചാര കേന്ദ്രങ്ങൾ എന്നിവയ്ക്കാണ് നിയന്ത്രണം ഏര്പ്പെടുത്തിയിരിക്കുന്നത്. ദുരന്ത സാധ്യത നേരിടുന്ന ദുർബല പ്രദേശങ്ങളിൽ താമസിക്കുന്നവരെ മാറ്റേണ്ടതുണ്ടെങ്കിൽ നടപടി സ്വീകരിക്കാൻ തദ്ദേശ സ്ഥാപനങ്ങൾക്ക് കളക്ടര് നിർദേശം നല്കി.
ജില്ലയില് രണ്ട് ദിവസങ്ങളിലായി ശക്തമായ മഴ തുടരുന്ന സാഹചര്യത്തില് ക്വാറികള്, വിനോദസഞ്ചാര കേന്ദ്രങ്ങള്, സാഹസിക വിനോദസഞ്ചാര കേന്ദ്രങ്ങള്, ട്രക്കിംഗ് എന്നിവയ്ക്ക് നിയന്ത്രണം ഏര്പ്പെടുത്തി ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കളക്ടര് ഡി ആര് മേഘശ്രീ ആണ് ഉത്തരവിട്ടത്. ക്വാറികള്, ഹോം സ്റ്റേ, റിസോര്ട്ട് ഉള്പ്പെടെയുള്ള എല്ലാ ടൂറിസ്റ്റ് കേന്ദ്രങ്ങളുടെയും അഡ്വഞ്ചര് ടൂറിസം സെന്ററുകള്, ട്രക്കിങ് എന്നിവ നിര്ത്തിവെയ്ക്കണമെന്നാണ് ഉത്തരവ്. ജില്ലയില് ദുരന്തസാധ്യത നേരിടുന്ന ദുര്ബല പ്രദേശങ്ങളില് താമസിക്കുന്നവരെ മാറ്റിപ്പാര്പ്പിക്കേണ്ടതുണ്ടെങ്കില് നടപടി സ്വീകരിക്കാന് ബന്ധപ്പെട്ട തദ്ദേശ സ്വയംഭരണ സ്ഥാപനങ്ങള്ക്ക് നിര്ദേശം നല്കിയിട്ടുണ്ട്.
ടൗണ്ഷിപ്പ് നിര്മ്മാണ മേഖലയില് മണ്ണൊലിപ്പ് ഭീക്ഷണി നേരിടുന്ന പ്രദേശത്തെ കുടുംബങ്ങളെ മാറ്റിതാമസിപ്പിക്കേണ്ട സാഹചര്യം ഉണ്ടെങ്കില് ചീഫ് ഓപ്പറേറ്റിങ് ഓഫീസര്, കല്പ്പറ്റ നഗരസഭ സെക്രട്ടറിമാര് സംയുക്തമായി നടപടി സ്വീകരിക്കണമെന്നും ഉത്തരവില് അറിയിച്ചിട്ടുണ്ട്. കള്ളാടി- ആനക്കാംപൊയില് തുരങ്കപാത മേഖല, മുണ്ടക്കൈ-ചൂരല്മല ദുരന്ത ബാധിത പ്രദേശങ്ങളിലെ ആളുകളെ ആവശ്യമെങ്കില് മാറ്റിതാമസിപ്പിക്കാന് മേപ്പാടി ഗ്രാമപഞ്ചായത്ത് സെക്രട്ടിറിക്കും നിര്ദേശം നല്കിയിട്ടുണ്ട്. ഉത്തരവ് ലംഘിക്കുന്നവര്ക്കെതിരെ ദുരന്തനിവാരണ നിയമം 2005 സെക്ഷന് 52(ബി) പ്രകാരം ശിക്ഷാ നടപപടികള് സ്വീകരിക്കുമെന്നും ജില്ലാ കളക്ടര് അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam