'ആദ്യം റിക്വസ്റ്റ്, ശേഷം മെസേജ്, പിന്നാലെ വീഡിയോ കോള്, ഒടുവില് കെണി'; മുന്നറിയിപ്പുമായി പൊലീസ്
Synopsis
അപരിചിതരില് നിന്നുള്ള വീഡിയോ കോളുകള്ക്ക് മറുപടി നല്കാതിരിക്കുന്നതാണ് ഇത്തരം സംഘങ്ങളില് നിന്ന് രക്ഷപ്പെടാനുള്ള വഴിയെന്നും പൊലീസ്.
തിരുവനന്തപുരം: ഹണിട്രാപ്പ് സംഘങ്ങളെ കുറിച്ച് മുന്നറിയിപ്പുമായി വീണ്ടും കേരളാ പൊലീസ്. അറിയാത്ത നമ്പറില് നിന്നോ അറിയാത്ത വ്യക്തികളില് നിന്നോ വരുന്ന വീഡിയോ കോളുകള് ചിലപ്പോള് ട്രാപ് ആകാമെന്ന് പൊലീസ് പറഞ്ഞു. അത്തരം കോളുകള് ശ്രദ്ധിച്ചു മാത്രം എടുക്കുക. മറുവശത്ത് വിളിക്കുന്നയാള് നഗ്നത പ്രദര്ശിപ്പിക്കുകയും നിങ്ങളോടൊപ്പം ചേര്ന്നുള്ള സ്ക്രീന് റെക്കോര്ഡ് എടുക്കുകയും ചെയ്തേക്കാമെന്ന് പൊലീസ് മുന്നറിയിപ്പ് നല്കി. അപരിചിതരില് നിന്നുള്ള വീഡിയോ കോളുകള്ക്ക് മറുപടി നല്കാതിരിക്കുന്നതാണ് ഇത്തരം സംഘങ്ങളില് നിന്ന് രക്ഷപ്പെടാനുള്ള വഴിയെന്നും പൊലീസ് കൂട്ടിച്ചേര്ത്തു.
പൊലീസ് മുന്നറിയിപ്പ്: ഹണിട്രാപ്പില് പെടുന്നത് നമ്മള് അറിയാതെ വേണമെങ്കിലും ആകാം. നമ്മുടെ ഫോണില് അറിയാത്ത നമ്പറില് നിന്നോ അറിയാത്ത വ്യക്തികളില് നിന്നോ വരുന്ന വീഡിയോ കോളുകള് ചിലപ്പോള് ട്രാപ് ആകാം. അതിനാല് ഇത്തരം കോളുകള് ശ്രദ്ധിച്ചു മാത്രം എടുക്കുക. മറുവശത്ത് വിളിക്കുന്നയാള് നഗ്നത പ്രദര്ശിപ്പിക്കുകയും നിങ്ങളോടൊപ്പം ചേര്ന്നുള്ള സ്ക്രീന് റെക്കോര്ഡ് എടുക്കുകയും ചെയ്തേക്കാം. ഈ ചിത്രങ്ങള് പിന്നീട് പണത്തിനായി ബ്ലാക്ക് മെയില് ചെയ്യാന് ഉപയോഗിക്കും.
സോഷ്യല് മീഡിയ കോണ്ടാക്റ്റുകളുടെ സമഗ്രമായ വിശകലനത്തിനു ശേഷമാണ് ഇത്തരം കോളുകള് വിളിക്കുന്നത്. അതിനാല് പണം നല്കാനുള്ള സമ്മര്ദ്ദം സൃഷ്ടിക്കുന്ന ചിത്രങ്ങള് നിങ്ങളുടെ സുഹൃത്തുക്കള്ക്കും ബന്ധുക്കള്ക്കും അയയ്ക്കാന് അവര്ക്ക് കഴിയും. ഇതില് നിന്ന് രക്ഷപ്പെടാനുള്ള വഴി ലളിതമാണ്, അപരിചിതരില് നിന്നുള്ള വീഡിയോ കോളുകള്ക്ക് മറുപടി നല്കരുത്. തട്ടിപ്പിനിരയായാല് ഒരുമണിക്കൂറിനകം തന്നെ വിവരം 1930ല് അറിയിച്ചാല് പണം തിരികെ ലഭിക്കാനുള്ള സാധ്യത കൂടുതലാണ്.
17കാരിയെ പരിചയപ്പെട്ടത് സോഷ്യല്മീഡിയയിലൂടെ, വീട്ടിലെത്തി പീഡനം; ഒടുവില് 19കാരന് പിടിയില്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam