ഐടി പാർക്കുകളിലെ മദ്യശാലകൾ; ഭേദ​ഗതിയിൽ എതിർപ്പുമായി എക്സെെസ് മന്ത്രിയും പ്രതിപക്ഷ അംഗങ്ങളും, ഒടുവിൽ ചട്ടഭേദഗതി മാറ്റി

Published : Nov 19, 2026, 07:32 PM IST
Liquor ban

Synopsis

ഒരു ക്യാമ്പസിൽ ഒന്നിലധികം മദ്യശാലകളെ എതിർത്ത് എക്സൈസ് മന്ത്രിയും പ്രതിപക്ഷ അംഗങ്ങളും. ഫിനാൻസ് സബ്ജക്ട് കമ്മിറ്റിയിലാണ് ചട്ടഭേദഗതിയെ എതിർത്ത് മാറ്റിയത്.

തിരുവനന്തപുരം: ഒരു ഐടി പാർക്കുകളിൽ ഒന്നിലധികം മദ്യശാലകള്‍ വേണമെന്ന ചട്ടഭേദഗതി നിയമസഭാ സബ്ജക്ട് കമ്മിറ്റി മാറ്റിവെച്ചു. പുതിയ മദ്യനയത്തിന് ശേഷം തീരുമാനമെടുത്താൻ മതിയെന്ന് എക്സൈസ് മന്ത്രി ആശ്യപ്പെട്ടു. ഇത് അംഗീകരിച്ച മുഖ്യമന്ത്രി ചട്ട ഭേദഗതി മാറ്റിവെക്കുകയായിരുന്നു. കഴിഞ്ഞ സർക്കാർ കൊണ്ടുവന്ന ചട്ടഭേദഗതിയെ പ്രതിപക്ഷ എംഎൽഎമാരും സബ്ജക്ട് കമ്മിറ്റിയില്‍ എതിർത്തു.

ഐടി പാർക്കുകളിൽ മദ്യശാലകള്‍ വേണമെന്ന നിർദ്ദേശം മുന്നോട്ടുവെച്ചത് മുൻ മുഖ്യമന്ത്രി പിണറായി വിജയനാണ്. ഐടി പാർക്കിന്‍റെ ഡെവലപ്പർക്കുമാത്രം ലൈസൻസ് അനുവദിക്കാനുള്ള ചട്ടം കഴിഞ്ഞ സര്‍ക്കാര്‍ കൊണ്ടുവന്നു. എന്നാൽ ഒരു പാർക്കിന്‍റെയും സിഇഒ ബാറിന് അപേക്ഷിച്ചില്ല. ബാർ നടത്തിയ പരിയമില്ലാത്തത് ഒരു കാര്യം. ഒരു ക്യാമ്പസിൽ ഒരു മദ്യശാല മറ്റ് നിക്ഷേപർക്ക് ബുദ്ധിമുട്ടുണ്ടാകുമെന്നത് രണ്ടാമത്തേത്. ഈ സാഹചര്യത്തിൽ കോ ഡെവലപ്പർമാർക്കും ലൈസന്‍സ് അനുവദിക്കണമെന്ന് ഐടി വകുപ്പ് ശുപാര്‍ശ ചെയ്തു. ഇതോടെ ഡെവപ്പലര്‍ക്കും കോ- ഡെവപ്പലപ്പര്‍ക്കും, ശുപാർശ ചെയ്യുന്ന കമ്പനികള്‍ക്കും ലൈസൻസ് അനുവദിക്കാമെന്ന് ചട്ട ഭേദഗതി നിര്‍ദ്ദേശം മുന്‍ സര്‍ക്കാര്‍ കൊണ്ടുവന്നു. ഇതാണ് ധനകാര്യ സബ്ജറ്റ് കമ്മിറ്റിയിൽ അവതരിപ്പിച്ചത്.

ഒരു ക്യാമ്പസിൽ ഒന്നിലധികം മദ്യശാല എന്ന നിര്‍ദേശത്തെ ഭരണ-പ്രതിപക്ഷ വ്യത്യാസമില്ലാതെ എതിര്‍പ്പ് വന്നതോടെ മാറ്റിവെച്ചു. അതേസമയം കരട് മദ്യനയം പരിശോധിക്കാനുള്ള യുഡിഎഫ് ഉപസമിതി ആയില്ല. അധ്യക്ഷനെ തീരുമാനിക്കേണ്ടത് കോണ്‍ഗ്രസാണ്. ഫോർ സ്റ്റാർ പദവിയ്ക്ക് മുകളിലുള്ള ഹോട്ടലുകള്‍ക്ക് ബാര്‍ അനുവദിച്ചാൽ മതിയെന്ന് കരടിലെ നിര്‍ദ്ദേശം. മദ്യപിച്ചിച്ച് വാഹനമോടിച്ച് അപകടമുണ്ടാക്കിയാൽ ബാറുടമയും ഉത്തരവാദിയാകുമെന്ന ശുപാർശയും ഉപസമിതി പരിശോധിക്കും.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

കൊല്ലത്തെ ജടായുപാറ സന്ദർശിക്കാൻ പ്രധാനമന്ത്രി നരേന്ദ്രമോദി എത്തുമെന്ന് കേന്ദ്രമന്ത്രി സുരേഷ് ​ഗോപി
2500 നെയ്ത്തുകാർ, രണ്ടുകിലോമീറ്റർ നീളം; ലക്ഷ്മി മാധവന്റെ ആശയത്തിൽ തീർത്ത ബാലരാമപുരം കൈത്തറി പ്രൊജക്ട് മുഖ്യമന്ത്രി ഉദ്ഘാടനം ചെയ്തു