സുന്ദരിയായ സ്ത്രീ ഭക്തരുടെ മനസിൽ ചാഞ്ചല്യം ഉണ്ടാക്കും; ശബരിമല യുവതി പ്രവേശനത്തെ എതിർത്ത് കെജെ യേശുദാസ്

"അയ്യപ്പന്‍ കണ്ണ് തുറന്ന് നോക്കുകയൊന്നുമില്ല. എന്നാല്‍ ശബരിമലയിലേക്ക് എത്തുന്ന മറ്റ് അയ്യപ്പന്മാര്‍ സ്ത്രീകളെ കാണും.അത് മനസ്സിന് ചാഞ്ചല്യമുണ്ടാക്കും. ഉദ്ദേശം മാറിപ്പോകും"

ചെന്നൈ: ശബരിമല യുവതി പ്രവേശനത്തെ എതിർത്ത് ഗായകൻ കെജെ യേശുദാസ്. യുവതികൾ പ്രവേശിക്കരുതെന്ന് പറയുന്നത് ശബരിമല ദർശനത്തിന്‍റെ ഉദ്ദേശം മാറിപ്പോകാതിരിക്കാനാണെന്ന് യേശുദാസ് ചെന്നെയിൽ പറഞ്ഞു. അയ്യപ്പൻ കണ്ണ് തുറന്ന് നോക്കുകയൊന്നുമില്ല, എന്നാൽ മറ്റ് അയ്യപ്പൻമാരുടെ മനസിന് ചാഞ്ചല്യമുണ്ടാകും. സ്ത്രീകൾക്ക് പോകാൻ വേറെ എത്രയോ ക്ഷേത്രങ്ങൾ ഉണ്ടെന്നും യേശുദാസ് പറഞ്ഞു. 

"സുന്ദരിയായ ഒരു സ്ത്രീയാണ് വരുന്നതെന്ന് കരുതൂ, ഒരു വ്യത്യാസവും സംഭവിക്കില്ല. അയ്യപ്പന്‍ കണ്ണ് തുറന്ന് നോക്കുകയൊന്നുമില്ല. എന്നാല്‍ ശബരിമലയിലേക്ക് എത്തുന്ന മറ്റ് അയ്യപ്പന്മാര്‍ സ്ത്രീകളെ കാണും.അത് മനസ്സിന് ചാഞ്ചല്യമുണ്ടാക്കും. ഉദ്ദേശം മാറിപ്പോകും. അതുകൊണ്ടാണ് സ്ത്രീകള്‍ ശബരിമലയിലേക്ക് പോകണ്ട എന്ന് പറയുന്നത്. വേറെ എത്രയോ ക്ഷേത്രങ്ങളുണ്ട്.സ്ത്രീകള്‍ക്ക് അവിടെയൊക്കെ പോകാമല്ലോ"