'ഒരുപാട് പ്രതീക്ഷയോടെ ലഭിച്ച ജോലിയാണിത്, 5 മാസമായി കാത്തിരിക്കുന്നു'; കൂടൽ മാണിക്യം ക്ഷേത്രത്തിലെ കഴകം നിയമനത്തില് പ്രതികരിച്ച് അനുരാഗ്
Synopsis
കൂടൽ മാണിക്യം ക്ഷേത്രത്തിലെ കഴകം നിയമനവുമായി ബന്ധപ്പെട്ട ഹൈക്കോടതി ഉത്തരവില് പ്രതികരിച്ച് കെഎസ് അനുരാഗ്. നിയമനം ലഭിച്ചാല് ജോലിയില് പ്രവേശിക്കുമെന്ന് അനുരാഗ് ഏഷ്യാനെറ്റ് ന്യൂസിനോട് പറഞ്ഞു
ആലപ്പുഴ: കൂടൽ മാണിക്യം ക്ഷേത്രത്തിലെ കഴകം നിയമനവുമായി ബന്ധപ്പെട്ട ഹൈക്കോടതി ഉത്തരവില് പ്രതികരിച്ച് കെഎസ് അനുരാഗ്. നിയമനം ലഭിച്ചാല് ജോലിയില് പ്രവേശിക്കുമെന്ന് അനുരാഗ് ഏഷ്യാനെറ്റ് ന്യൂസിനോട് പറഞ്ഞു. ഉടനെ അപ്പോയിന്മെന്റ് ലെറ്റര് ലഭിക്കുമെന്നാണ് പ്രതീക്ഷയെന്നും ഇനി പ്രശ്നങ്ങൾ ഉണ്ടാകില്ലെന്നാണ് വിശ്വാസം, ഒരുപാട് പ്രതീക്ഷയോടെ ലഭിച്ച ജോലിയാണിത്. അഞ്ചു മാസമായി അതിനുവേണ്ടി കാത്തിരിക്കുന്നു എന്ന് പറഞ്ഞ അനുരാഗ് ഒപ്പം നിന്ന എല്ലാവർക്കും നന്ദി അറിയിക്കുകയും ചെയ്തു.
നിയമനത്തില് ഹൈക്കോടതി
കൂടല്മാണിക്യം ക്ഷേത്രത്തിലെ കഴകം നിയമനത്തില് ചേര്ത്തല സ്വദേശി അനുരാഗിന്റെ നിയമനവുമായി മുന്നോട്ട് പോകാമെന്നും ഹൈക്കോടതി ഇന്നലെ അറിയിച്ചു. കഴകം നിയമനം പാരമ്പര്യാവകാശമെന്ന തെക്കേവാര്യം കുടുംബത്തിന്റെ വാദം നിലനിന്നില്ല. അവകാശവാദം സിവില് കോടതിയില് ഉന്നയിക്കാമെന്ന് ഡിവിഷന് ബെഞ്ച് വ്യക്തമാക്കി. മാലക്കഴകത്തിന് പാരമ്പര്യാവകാശം ഉന്നയിച്ച് തെക്കേവാര്യം കുടുംബാംഗം നല്കിയ ഹര്ജിയാണ് ഹൈക്കോടതി തീര്പ്പാക്കിയത്. ഊഴമനുസരിച്ച് നിയമനം ലഭിക്കേണ്ടത് ഈഴവ സമുദായത്തിനാണ്. ആദ്യം നിയമനം നടത്തിയത് തിരുവനന്തപുരം ആര്യനാട് സ്വദേശിയായ ഈഴവ സമുദായാംഗമായ ബാലുവിനെയാണ്. ബാലുവിന്റെ നിയമനം വലിയ വിവാദമായിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam