malayalam news live: ആർഎസ്എസ് അജണ്ട നടപ്പാക്കാനാണ് ഗ്യാനേഷ്കുമാർ ഒരുമ്പിട്ടിറങ്ങിയതെന്ന് പിണറായി വിജയൻ; 'സർക്കാരിനെ തെരഞ്ഞെടുക്കേണ്ടത് ജനങ്ങൾ'

അഭിപ്രായ സ്വാതന്ത്ര്യം ഇല്ലാതാക്കാനും ആർഎസ്എസ് അജണ്ട നടപ്പാക്കാനും രാജ്യത്ത് ബോധപൂർവമായ ശ്രമം നടക്കുന്നുവെന്ന് പിണറായി വിജയൻ. തെരഞ്ഞെടുപ്പ് പരാജയത്തിൽ സിപിഎമ്മിനെ എഴുതിത്തള്ളാൻ ശ്രമിക്കുന്ന വലതുപക്ഷത്തിന് തദ്ദേശ ഉപതെരഞ്ഞെടുപ്പ് ഫലം മറുപടി നൽകിയെന്നും അദ്ദേഹം വ്യക്തമാക്കി.

ഫ്ലൈ ദുബായ് വിമാനത്തിലെ ആക്രമണത്തിന് ശേഷം യുഎഇയിൽ നിന്ന് ലഭിച്ച കരുതലിനെയും പരിചരണത്തെയും കുറിച്ച് വികാരാധീനനായി ക്യാപ്റ്റൻ സ്മിത്ത് മച്ചാർ. യുഎഇ പ്രസിഡണ്ടിന്റെ പ്രത്യേക നിർദേശ പ്രകാരം അതിവേഗം യുഎഇയിൽ എത്തിച്ചതുൾപ്പെടെ സ്മിത്ത് മച്ചാർ ഓർത്തെടുത്തു

കഴിഞ്ഞ സർക്കാരിന്റെ കാലത്ത് ഉമ്മൻ ചാണ്ടിക്ക് നീതി കൊടുത്തിട്ടില്ലെന്ന് ചാണ്ടി ഉമ്മൻ എംഎൽഎ. ഉമ്മൻചാണ്ടിയെ അന്യായമായി ക്രൂശിച്ചുവെന്നും കള്ളക്കേസ് ഉണ്ടാക്കി അദ്ദേഹത്തെ മാനസികമായും ശാരീരികമായും തകർത്തുവെന്നും ചാണ്ടി ഉമ്മൻ

സിജെപിയുടെ തിരംഗ മാർച്ചുമായി ബന്ധപ്പെട്ട് ദില്ലി പൊലീസ് മൂന്ന് കേസുകൾ രജിസ്റ്റർ ചെയ്യുകയും രണ്ടുപേരെ അറസ്റ്റ് ചെയ്യുകയും ചെയ്തു.

കിഫ്‌ബി കടമെടുപ്പിലെ അപകടം മുൻ ധനമന്ത്രി കെഎൻ ബാലഗോപാലും നേരത്തെ പ്രകടിപ്പിച്ചിരുന്നതായി വിവരം. ധനസ്ഥിതിയെ ബാധിക്കുമെന്ന് അറിയിച്ചിട്ടും മുന്നോട്ട് പോകാൻ തീരുമാനിച്ചത് അന്നത്തെ മുഖ്യമന്ത്രി പിണറായി വിജയനായിരുന്നു. ആശങ്ക അറിയിച്ച് ബാലഗോപാൽ എഴുതിയ ഫയൽ പുറത്ത് വന്നു. ഫയൽ ഏഷ്യാനെറ്റ് ന്യൂസിന് ലഭിച്ചു.

മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജിയാവശ്യപ്പെട്ടുള്ള ദില്ലിയിലെ മിന്നൽ സമരങ്ങൾ ഇന്നും തുടർന്നേക്കും. നവരാത്രി ആഘോഷങ്ങളിലേക്ക് കടന്നതിനാൽ ‍ഇന്ന് ആരും സമരപ്രഖ്യാപനം നടത്തിയിട്ടില്ല. കർശനമായ വ്യവസ്ഥകളോടെ പുറത്തിറങ്ങിയ സിജെപി നേതാക്കൾ ഏത് തരത്തിലാകും ഇനി മുന്നോട്ടുപോകുക എന്നതാണ് പ്രധാനം. അതേസമയം, ഗ്യാനേഷ് കുമാറിന്‍റെ രാജി ആവശ്യപ്പെട്ട് ദില്ലിയില്‍ പ്രതിഷേധം വീണ്ടും ശക്തമാക്കാനാണ് ഇന്ത്യാ സഖ്യത്തിൻ്റെ തീരുമാനം. ഗ്യാനേഷ് കുമാര്‍ രാജി വച്ച് മാപ്പ് സാക്ഷിയാകണമെന്ന് വോട്ട് ചോരിയുമായി ബന്ധപ്പെട്ട് നടത്തിയ ഇടപെടലുകള്‍ വിശദീകരിച്ച് പുറത്തിറക്കിയ പോഡ്കാസ്റ്റില്‍ രാഹുല്‍ ഗാന്ധി ആവര്‍ത്തിച്ചു.

മാസപ്പടി കേസിൽ മുൻ മുഖ്യമന്ത്രി പിണറായിയുടെ വീട്ടിൽ സമൻസ് പതിപ്പിക്കലുമായി ബന്ധപ്പെട്ട് രാഷ്ട്രീയമായി എതിർപ്പ് ശക്തമാക്കാൻ സിപിഎം. പിണറായിയെ അപമാനിക്കാനാണ് ഇതെന്ന നിലപാടിലാണ് പാർട്ടി. കേസിൽ പിണറായി വെള്ളിയാഴ്ച്ച ഹാജരാകില്ല. സുപ്രീം കോടതി നിലപാട് കാക്കാനാണ് തീരുമാനം. പിണറായിയുടെ ചോദ്യം ചെയ്യലിന് ഉന്നത ഉദ്യോഗസ്ഥരെ കൊണ്ടുവരാനാണ് ഇഡിയു‌ടെ നീക്കം. ഇഡിയുടെ സ്പെഷ്യൽ ഡയറക്ടറക്കമുള്ള ഉന്നത ഉദ്യോഗസ്ഥർ ദില്ലിയിൽ നിന്ന് കൊച്ചിയിൽ എത്തിയാകും ചോദ്യം ചെയ്യൽ.

കൊൽക്കത്തയിൽ ദുർഗ്ഗാപൂജ പന്തലിലുണ്ടായ തിക്കിലും തിരക്കിലും പെട്ട് മരിച്ചവരുടെ എണ്ണം ഉയരുന്നു. നിലവിലെ കണക്ക് പ്രകാരം 19 പേർ മരിച്ചതായാണ് വിവരം. ഒരാളുടെ നില ഗുരുതരമാണ്. പരിക്കേറ്റ മറ്റ് 25 പേർ ആശുപത്രിയിൽ ചികിത്സയിലാണ്. മരിച്ചവരിൽ 13 സ്ത്രീകളും ഒരു കുട്ടിയും ഉൾപ്പെടുന്നുണ്ട്.

കൊൽക്കത്തയിൽ ദുർഗ്ഗാപൂജ പന്തലിലുണ്ടായ തിക്കിലും തിരക്കിലും പെട്ട് മരിച്ചവരുടെ എണ്ണം ഉയരുന്നു. നിലവിലെ കണക്ക് പ്രകാരം 19 പേർ മരിച്ചതായാണ് വിവരം. ഒരാളുടെ നില ഗുരുതരമാണ്. പരിക്കേറ്റ മറ്റ് 25 പേർ ആശുപത്രിയിൽ ചികിത്സയിലാണ്. മരിച്ചവരിൽ 13 സ്ത്രീകളും ഒരു കുട്ടിയും ഉൾപ്പെടുന്നുണ്ട്.