സ്ത്രീകൾ വീട്ടിലിരിക്കണമെന്ന അഭിപ്രായത്തോട് യോജിപ്പില്ലെന്ന് മലേഷ്യൻ പ്രധാനമന്ത്രി; പരാമർശം കാന്തപുരത്തെ സന്ദർശിക്കാനിരിക്കെ

മർക്കസ് സന്ദർശിക്കുന്ന അൻവർ ഇബ്രാഹിം പിന്നീട് മടവൂർ മഖാമും സന്ദർശിച്ച് കോഴിക്കോട്ടെ സ്വകാര്യ വെൽനസ് കേന്ദ്രത്തിൽ സന്ദർശനം നടത്തിയ ശേഷമാണ് മടങ്ങുക.

ദില്ലി: തന്റെ രാജ്യത്തെ മുസ്ലിം സ്ത്രീകൾക്ക് തുല്യനീതിയാണെന്ന് മലേഷ്യൻ പ്രധാനമന്ത്രി അൻവർ ഇബ്രാഹിം ദേശീയ മാധ്യമത്തോട് പറഞ്ഞു. നാളെ വൈകുന്നേരം കോഴിക്കോടെത്തി സമസ്ത എപി വിഭാ​ഗം നേതാവ് കാന്തപുരം അബൂബക്കർ മുസ്ലിയാരുമായി കൂടിക്കാഴ്ച നടത്താനിരിക്കുകയാണ് മലേഷ്യൻ പ്രധാനമന്ത്രിയുടെ പരാമർശം. പരമ്പരാഗത ധാരയിലുള്ള പണ്ഡിതനാണ് കാന്തപുരമെന്നും . അദ്ദേഹത്തോട് പല കാര്യങ്ങളിലും യോജിപ്പുണ്ടെങ്കിലും സ്ത്രീകൾ വീട്ടിലിരിക്കണമെന്ന അഭിപ്രായത്തോട് യോജിപ്പില്ലെന്നും അൻവർ ഇബ്രാഹിം എൻഡി ടിവിയോട് പറഞ്ഞു. നാളെ വൈകിട്ട് മർക്കസ് സന്ദർശിക്കുന്ന അൻവർ ഇബ്രാഹിം പിന്നീട് മടവൂർ മഖാമും സന്ദർശിച്ച് കോഴിക്കോട്ടെ സ്വകാര്യ വെൽനസ് കേന്ദ്രത്തിൽ സന്ദർശനം നടത്തിയ ശേഷമാണ് മടങ്ങുക.

മതഗ്രന്ഥം, ഖുർആൻ, പാരമ്പര്യം, പ്രവാചകൻ എന്നിവ മനസ്സിലാക്കുന്നതിൽ സംഭാവന നൽകിയ ഒരു പരമ്പരാഗത മതപണ്ഡിതനാണ് അബൂബക്കര്‍ മുസ്ലിയാരെന്നും പല തരത്തിൽ അദ്ദേഹം ഒരു മികച്ച അധ്യാപകനാണെന്നും എന്നാല്‍, അദ്ദേഹത്തിന്റെ എല്ലാ വീക്ഷണങ്ങളും നമ്മൾ അംഗീകരിക്കണമെന്നില്ലെന്നും അദ്ദേഹം പറഞ്ഞു.

പുരോഹിതൻ നടത്തുന്ന നഴ്സിംഗ് കോളേജ് പോലുള്ള സ്ഥാപനങ്ങളെ അദ്ദേഹം ചൂണ്ടിക്കാണിച്ചു, അത്തരമൊരു കോളേജിലെ സ്ത്രീ വിദ്യാർത്ഥികൾ എന്തായാലും ആശുപത്രികളിൽ ജോലി ചെയ്യും. അദ്ദേഹം പരസ്യമായി ചോദിച്ചാൽ പോലും മലേഷ്യയിൽ, ഞങ്ങൾക്ക് സ്ത്രീകൾക്ക് തുല്യ അവകാശങ്ങളുണ്ടെന്ന് പറയുമെന്നും മലേഷ്യന്‍ പ്രധാനമന്ത്രി പറഞ്ഞു. ഞങ്ങളുടെ സർവകലാശാലകളിൽ ഞങ്ങൾക്ക് കൂടുതൽ സ്ത്രീ വിദ്യാർത്ഥികളുണ്ട്. എന്റെ ഭാര്യ ഒരു മെഡിക്കൽ ഡോക്ടറാണ്. പെൺകുട്ടികൾ ഉൾപ്പെടെ എന്റെ എല്ലാ കുട്ടികൾക്കും പഠിക്കാനും സ്വാതന്ത്ര്യം അനുഭവിക്കാനും എല്ലാ അവസരങ്ങളും നൽകിയിട്ടുണ്ടെന്നും അദ്ദേഹം പറഞ്ഞു.

പ്രധാനമന്ത്രി നരേന്ദ്ര മോദിയോടും ഇക്കാര്യം പറഞ്ഞതായി അദ്ദേഹം പറഞ്ഞു. മലേഷ്യയിലെ പ്രവാസികളില്‍ ദക്ഷിണേന്ത്യയുടെ പ്രാധാന്യം അദ്ദേഹം ഊന്നിപ്പറഞ്ഞു. തമിഴ്‌നാട് സന്ദർശിക്കാന്‍ ആഗ്രഹിക്കുന്നുവെന്നും മുഖ്യമന്ത്രി വിജയ് വിദേശത്തായതിനാലാണ് സന്ദര്‍ശനം മാറ്റിയതെന്നും അദ്ദേഹം വ്യക്തമാക്കി.