മരടിലെ രണ്ട് ഫ്ലാറ്റ് നിർമാതാക്കൾ ഒരു രൂപ പോലും നൽകിയിട്ടില്ലെന്ന് സമിതി സുപ്രീംകോടതിയിൽ
Synopsis
ആല്ഫ സെറീൻ, ഹോളി ഫെയ്ത്ത് എന്നിവ ഇതുവരെയും തുകയൊന്നും നല്കിയതായി സമിതി സുപ്രീംകോടതിയില് സമര്പ്പിച്ച സത്യവാങ് മൂലത്തില് രേഖപ്പെടുത്തിയിട്ടില്ല. സംസ്ഥാനസർക്കാർ ഇതുവരെ 62 കോടി നഷ്ടപരിഹാരഇനത്തിൽ കൈമാറിയിട്ടുണ്ട്.
ദില്ലി: മരടിലെ നഷ്ടപരിഹാര വിതരണത്തിന് ഫ്ലാറ്റ് നിര്മാതാക്കള് ഇത് വരെ നല്കിയത് നാല് കോടി എണ്പത്തിയൊന്പത് ലക്ഷം മാത്രമെന്ന് ജസ്റ്റിസ് ബാലകൃഷ്ണന് നായർ സമിതി. സുപ്രീംകോടതിയിൽ സമർപ്പിച്ച റിപ്പോർട്ടിലാണ് സമിതിയുടെ ഈ കണ്ടെത്തലുള്ളത്. ഗോള്ഡൻ കായലോരത്തിന്റെ നിര്മ്മാതാക്കള് 2 കോടി എണ്പത്തിയൊന്പത് ലക്ഷവും ജയിന് ഹൗസിങ് കണ്സ്ട്രക്ഷൻ രണ്ട് കോടിയും നല്കി. എന്നാല് ആല്ഫ സെറീൻ, ഹോളി ഫെയ്ത്ത് എന്നിവ ഇതുവരെയും തുകയൊന്നും നല്കിയതായി സമിതി സുപ്രീംകോടതിയില് സമര്പ്പിച്ച സത്യവാങ് മൂലത്തില് രേഖപ്പെടുത്തിയിട്ടില്ല.
248 ഫ്ലാറ്റ് ഉടമകള്ക്കായി സംസ്ഥാന സർക്കാര് 62 കോടി നഷ്ടപരിഹാര ഇനത്തില് കൈമാറിയെന്നും സത്യവാങ്മൂലം വ്യക്തമാക്കുന്നു. നഷ്ടപരിഹാരം വിതരണം ചെയ്യാനായി വസ്തുക്കള് വില്ക്കാൻ അനുവദിക്കണമെന്നമെന്ന നിർമ്മാതാക്കളുടെ ആവശ്യം സമിതി തള്ളിയിരുന്നു.
Read more at: മരട് കേസ്: നിർമാതാക്കൾക്ക് മുന്നറിയിപ്പുമായി സുപ്രീംകോടതി
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam