അടുക്കളയിലെത്തി ഭക്ഷണമെടുക്കാൻ ശ്രമിച്ചു, ശബ്ദം കേട്ട് പെൺകുട്ടികൾ എഴുന്നേറ്റു, പിന്നാലെ ഓടി രക്ഷപ്പെട്ടു; വർക്കലയിലും പരിസരങ്ങളിലും മോഷണം

വർക്കലയിലും പരിസരങ്ങളിലും മോഷണം. ഒരേ രാത്രിയിൽ പല വീടുകളും കുത്തിത്തുറന്ന് മോഷണശ്രമമുണ്ടായി

തിരുവനന്തപുരം: വർക്കലയിലും പരിസരങ്ങളിലും മോഷണം. ഒരേ രാത്രിയിൽ പല വീടുകളും കുത്തിത്തുറന്ന് മോഷണശ്രമമുണ്ടായി. പുന്നമൂട് സ്വദേശി ബാബുവിന്‍റെ വീട്ടിലാണ് മോഷണം നടന്നത്. പത്ത് പവൻ സ്വർണമാണ് മോഷ്‌ടാവ് അപഹരിച്ചത്. കഴിഞ്ഞ ദിവസം പുലർച്ചെ ഒന്നരയോടെയാണ് മോഷണം നടന്നത്. ബാബുവിന്‍റെ രണ്ട് പെൺമക്കൾ മാത്രമായിരുന്നു ഈ സമയം വീട്ടിലുണ്ടായിരുന്നത്. കമ്പിപ്പാര ഉപയോഗിച്ച് അടുക്കളയുടെ വാതിൽ കുത്തിത്തുറന്ന് വീട്ടിനുള്ളിൽ കടന്ന മോഷ്ടാവ് മുറിയിൽ കയറി പത്ത് പവനോളം വരുന്ന വിവിധ സ്വർണാഭരണങ്ങൾ പരാതി. മോഷണത്തിന് ശേഷം അടുക്കളയിലെത്തിയ കള്ളൻ അവിടെയുണ്ടായിരുന്ന ഭക്ഷണസാധനങ്ങൾ എടുക്കുന്നതിനിടയിൽ ശബ്‌ദം കേട്ടാണ് പെൺകുട്ടികൾ ഉണർന്നത്. മോഷ്‌ടാവിനെ കണ്ട ഇവർ ഉടനെ ബഹളം വെച്ചതോടെ ഇയാൾ ഓടി രക്ഷപ്പെടുകയായിരുന്നു.

പു​ന്ന​മൂ​ട്, വ​ട്ടാ​രം​വി​ള, എ​ൻ.​പി.വി​ള പ്ര​ദേ​ശ​ങ്ങ​ളി​ലെ അ​ഞ്ചോ​ളം വീ​ടു​ക​ളി​ൽ ഇ​തേ രാ​ത്രി​യി​ൽ മോ​ഷ​ണ​ശ്ര​മം ന​ട​ന്ന​താ​യും നാ​ട്ടു​കാ​ർ പ​റ​യു​ന്നു. മോ​ഷ​ണം ന​ട​ന്ന വീ​ടി​ന് സ​മീ​പ​മു​ള്ള മ​റ്റൊ​രു​വീ​ടി​ന്‍റെ പി​റ​കു​വ​ശ​ത്തെ വാ​തി​ൽ കു​ത്തി​പ്പൊ​ളി​ക്കു​ന്ന​തി​നി​ടെ ശ​ബ്ദം കേ​ട്ട് വീ​ട്ടു​കാ​ർ ഉ​ണ​ർ​ന്ന് ലൈ​റ്റ് തെ​ളി​ച്ച​തോ​ടെ മോ​ഷ്ടാ​വ് ഓ​ടി ര​ക്ഷ​പ്പെ​ടു​ക​യാ​യി​രു​ന്നു. വ​ർ​ക്ക​ല പൊ​ലീ​സ് സം​ഘം സ്ഥ​ല​ത്തെ​ത്തി പ്രാ​ഥ​മി​ക തെ​ളി​വു​ക​ൾ ശേ​ഖ​രി​ച്ചു. സി.​സി ടി.​വി കാ​മ​റ​ക​ളും പ​രി​ശോ​ധി​ച്ചു. മു​ഖം​മൂ​ടി​യും കൈ​യു​റ​യും ധ​രി​ച്ച യു​വാ​വാ​യ മോ​ഷ്ടാ​വ് വീ​ടി​ന് പി​റ​കു​വ​ശ​ത്തു​കൂ​ടി ന​ട​ന്ന​ടു​ക്കു​ന്ന ദൃ​ശ്യ​ങ്ങ​ൾ ലഭിച്ചിട്ടുണ്ട്. ഇത് കേന്ദ്രീകരിച്ച് പൊലീസ് അന്വേഷണം തുടരുകയാണ്. എല്ലായിടത്തും ഒരാൾ ആണ് എത്തിയതെന്നാണ് നിഗമനം.