സ്ത്രീയെ വിളിച്ച് ശല്യം ചെയ്തെന്ന് ആരോപിച്ച് യുവാവിനെ തട്ടിക്കൊണ്ടുപോയി മർദ്ദിച്ചു

ഫോൺ നമ്പർ എവിടുന്നു കിട്ടി എന്ന് ചോദിച്ചാണ് സംഘം സാജിദിനെ തട്ടിക്കൊണ്ട് പോയത്. ഇരുമ്പ് വടി കൊണ്ടും ബെൽറ്റ് കൊണ്ടും ക്രൂരമായി മർദ്ദിക്കുകയായിരുന്നു

കണ്ണൂർ: ചക്കരക്കല്ലിൽ യുവാവിന് നേരെ ആക്രമണമുണ്ടായതിന്‍റെ ദൃശ്യങ്ങൾ പുറത്ത്.  ഈ മാസം 20ന് ഇരിവേരി സ്വദേശി സാജിദിനെ തട്ടിക്കൊണ്ട് പോയി സദാചാര സംഘം മർദിച്ച ദൃശ്യങ്ങളാണ് പുറത്തുവന്നത്. തങ്ങളുടെ ബന്ധുവായ സ്ത്രീയെ ഫോണിൽ വിളിച്ച് ശല്യം ചെയ്തു എന്നാരോപിച്ചായിരുന്നു മർദനം.   

ഫോൺ നമ്പർ എവിടുന്നു കിട്ടി എന്ന് ചോദിച്ചാണ് സംഘം സാജിദിനെ തട്ടിക്കൊണ്ട് പോയത്. ഇരിമ്പ് വടി കൊണ്ടും ബെൽറ്റ് കൊണ്ടും ക്രൂരമായി മർദ്ദിക്കുകയായിരുന്നു. മർദനമേറ്റ സാജിദ് ചികിത്സയിലാണ്. സംഭവത്തിൽ സലാം, സക്കീർ, ഇർഷാദ് എന്നിവർക്കെതിരെ കേസെടുത്തു.