1.83 കോടി ചെലവിൽ എട്ട് പുതുപുത്തൻ ബാസുകൾ, ആരോഗ്യ മന്ത്രി ഫ്ലാഗ് ഓഫ് ചെയ്തു, നഴ്സിങ് സ്കൂളുകൾക്ക്
Synopsis
സംസ്ഥാനത്തെ 5 നഴ്സിംഗ് സ്കൂളുകൾക്കും 3 ജെപിഎച്ച്എന് ട്രെയിനിംഗ് സെന്ററുകൾക്കും പുതിയ ബസുകൾ അനുവദിച്ചു.
തിരുവനന്തപുരം: സംസ്ഥാനത്തെ 5 നഴ്സിംഗ് സ്കൂളുകള്ക്കും 3 ജെപിഎച്ച്എന് ട്രെയിനിംഗ് സെന്ററുകള്ക്കും അനുവദിച്ച ബസുകളുടെ ഫ്ളാഗ് ഓഫ് ആരോഗ്യ വകുപ്പ് മന്ത്രി വീണാ ജോര്ജ് നിര്വഹിച്ചു. കേരള നഴ്സിംഗ് ആന്റ് മിഡ് വൈവ്സ് കൗണ്സില് ആരോഗ്യ വകുപ്പിന് കൈമാറിയ 1.83 കോടി രൂപ വിനിയോഗിച്ചാണ് ബസുകള് വാങ്ങിയത്.
തിരുവനന്തപുരം, കോട്ടയം, തൃശൂര്, ഇടുക്കി മുട്ടം, പത്തനംതിട്ട ഇലന്തൂര് എന്നീ നഴ്സിംഗ് സ്കൂളുകള്ക്കും തൈക്കാട് എസ്.സി./എസ്.ടി. ജെപിഎച്ച്എന് ട്രെയിനിംഗ് സെന്റര്, പാലക്കാട് പെരിങ്ങോട്ടുകുറിശ്ശി ജെപിഎച്ച്എന് ട്രെയിനിംഗ് സെന്റര്, കാസര്ഗോഡ് ജെപിഎച്ച്എന് ട്രെയിനിംഗ് സെന്റര് എന്നിവയ്ക്കാണ് ബസ് അനുവദിച്ചത്. ആരോഗ്യ വകുപ്പ് ഡയറക്ടര് ഡോ. കെ.ജെ. റീന, കേരള നഴ്സിംഗ് ആന്റ് മിഡ് വൈവ്സ് കൗണ്സില് രജിസ്ട്രാര് പ്രൊഫ. സോന, ആരോഗ്യ വകുപ്പ് അഡീഷണല് ഡയറക്ടര്മാര്, മറ്റ് ഉദ്യോഗസ്ഥര് എന്നിവര് പങ്കെടുത്തു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam