കോൺ​ഗ്രസ് പ്രവർത്തകരോട് മാപ്പ് പറഞ്ഞ് പത്മജ; ബിജെപിയിലേക്ക് പോയത് തെറ്റ്, പദവി മോ​ഹിച്ചല്ല മടക്കം ആ​ഗ്രഹിച്ചത്; ഫേസ്ബുക്ക് പോസ്റ്റ്

Published : Nov 21, 2026, 01:56 PM IST
padmaja venugopal

Synopsis

പദവി മോഹിച്ചല്ല കോൺ​ഗ്രസിലേക്കുള്ള മടക്കം ആ​ഗ്രഹിച്ചതെന്നും എഫ് ബി പോസ്റ്റിൽ വ്യക്തമാക്കുന്നു.

തിരുവനന്തപുരം: കോൺ​ഗ്രസ് പ്രവർത്തകരോട് ക്ഷമാപണം നടത്തി പത്മജ വേണു​ഗോപാൽ. ബിജെപിയിലേക്ക് പോയത് തെറ്റാണെന്ന് ഫേസ്ബുക്ക് പോസ്റ്റ്. പദവി മോഹിച്ചല്ല കോൺ​ഗ്രസിലേക്കുള്ള മടക്കം ആ​ഗ്രഹിച്ചതെന്നും എഫ് ബി പോസ്റ്റിൽ വ്യക്തമാക്കുന്നു.

പത്മജയുടെ ഫേസ്ബുക്ക് പോസ്റ്റ്

വികാരപരമായ ഒരു നിമിഷത്തിൽ ഞാൻ എടുത്ത തെറ്റായ തീരുമാനമായിരുന്നു ബിജെപി പ്രവേശനം എന്ന് രാജിവെച്ച വേളയിൽ ഞാൻ പറഞ്ഞത് ഹൃദയത്തിന്റെ ഭാഷയിലാണ്. അന്ന് ഞാൻ എടുത്ത തീരുമാനം കെ. കരുണാകരൻ എന്ന വ്യക്തിയെയും എന്നെയും സ്നേഹിച്ച നിരവധി കോൺഗ്രസ് പ്രവർത്തകർക്ക് ആഴത്തിൽ മുറിവേൽപ്പിച്ചു എന്ന തിരിച്ചറിവിലാണ് ഒരു മടങ്ങി വരവിന് ഞാൻ തയ്യാറെടുത്തത്. ഏതെങ്കിലും ഒരു പദവി മോഹിച്ചല്ല മറിച്ച് ഒരു കോൺഗ്രസ്സുകാരിയായി മാറണം എന്നത് മാത്രമാണ് എന്റെ മനസ്സിലുള്ളത്. പല ഭാഗങ്ങളിൽ നിന്നും ഉള്ള കോൺഗ്രസ് പ്രവർത്തകരുടെ വിമർശനങ്ങൾ പൂർണ്ണമായും ഉൾക്കൊള്ളുകയും ഓരോ കോൺഗ്രസ് പ്രവർത്തകനും പ്രസ്ഥാനത്തിനും ഏറ്റ മുറിവിന് ഹൃദയത്തിന്റെ ഭാഷയിൽ എല്ലാവരോടും ക്ഷമാപണം നടത്തുവാനും ഈ അവസരം ഞാൻ വിനിയോഗിക്കുകയാണ്. അടുത്ത മാസം അച്ഛന്റെ ചരമ വാർഷിക വേളയിൽ എന്റെ പ്രിയപ്പെട്ട കോൺഗ്രസ് പ്രവർത്തകർക്കൊപ്പം അച്ഛന്റെ സ്മൃതി കുടീരത്തിൽ ആദരവ് അർപ്പിക്കുക മാത്രമാണ് എന്റെ മുന്നിലുള്ള ലക്ഷ്യം

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

വിവാദ ഐപിഎസ് ഉദ്യോഗസ്ഥൻ വി ജി വിനോദ് കുമാറിനെ പൊലീസ് ആസ്ഥാനത്തെ പ്രധാന ചുമതലയിൽ നിന്ന് മാറ്റി
'മയിൽപ്പീലി എന്ന പദത്തോടാണോ ഹറാം?'; പരീക്ഷയ്ക്ക് അനുമതി നിഷേധിച്ചത് ദേശവിരുദ്ധ സംഘടനകളെ സന്തോഷിപ്പിക്കാനെന്ന് പി കെ കൃഷ്ണദാസ്