പത്തനംതിട്ട ഓട്ടോ അപകടം: ഓട്ടോയിലുണ്ടായിരുന്ന 4 വയസുകാരനെ കാണാനില്ല, സ്ഥലത്ത് തെരച്ചിൽ നടത്തി ഫയർഫോഴ്സ്

നാല് വയസുകാരൻ യദു കൃഷ്ണനെയാണ് അപകട സ്ഥലത്ത് കാണാതായി എന്ന സംശയം ഉള്ളത്. അപകടത്തിൽ എട്ട് വയസുകാരി മരിച്ചു.

പത്തനംതിട്ട: പത്തനംതിട്ട തൂമ്പാക്കുളത്ത് സ്കൂൾ കുട്ടികളുമായി പോയ ഓട്ടോറിക്ഷ അപകടത്തിൽ 4 വയസുകാരനെ കാണാനില്ലെന്ന് വിവരം. നാല് വയസുകാരൻ യദു കൃഷ്ണനെയാണ് അപകട സ്ഥലത്ത് കാണാതായി എന്ന സംശയം ഉള്ളത്. അപകടത്തിൽ എട്ട് വയസുകാരി മരിച്ചു. പാമ്പിനെ കണ്ട് വെട്ടിച്ചതിനെ തുടർന്ന് ഓട്ടോറിക്ഷ തോട്ടിലേക്ക് മറിഞ്ഞാണ് അപകടമുണ്ടായത്. ആറ് കുട്ടികളാണ് ഓട്ടോയിലുണ്ടായിരുന്നത്. അഞ്ച് കുട്ടികളെ ആശുപത്രിയിലെത്തിച്ചിരുന്നു. അതിലൊരു കുട്ടിയാണ് മരിച്ചത്. അപകടം നടന്ന സ്ഥലത്ത് ഫയർഫോഴ്സ് തെരച്ചിൽ നടത്തുകയാണ്.