പൊലീസ് ക്വാര്ട്ടേഴ്സില് എഎസ്ഐയെ മരിച്ച നിലയില് കണ്ടെത്തി; സംഭവം കാസർകോട് മഞ്ചേശ്വരത്ത്
Published : Aug 22, 2025, 10:26 AM IST
Synopsis
പൊലീസ് ക്വാര്ട്ടേഴ്സിലാണ് എഎസ്ഐയെ തൂങ്ങി മരിച്ച നിലയില് കണ്ടെത്തിയത്
കാസർകോട്: മഞ്ചേശ്വരം പൊലീസ് ക്വാര്ട്ടേഴ്സില് എഎസ്ഐയെ തൂങ്ങി മരിച്ച നിലയില് കണ്ടെത്തി. മഞ്ചേശ്വരം പൊലീസ് സ്റ്റേഷനിലെ എഎസ്ഐ കുറ്റിക്കോലിലെ മധുസൂദനൻ (50) ആണ് മരിച്ചത്. അവിവാഹിതനാണ്. എന്താണ് മരണകാരണമെന്ന് വ്യക്തമല്ല. പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കുകയാണ്. മൃതദേഹം ആശുപത്രിയിലേക്ക് മാറ്റും.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)