പുനലൂരിൽ തമ്മിലടിച്ച് കോൺ​ഗ്രസും മുസ്ലിംലീ​ഗും; ലീ​ഗിന് സീറ്റ് നൽകിയാൽ ഒറ്റയ്ക്ക് മൽസരിക്കാൻ കോൺഗ്രസ്, നേതാക്കൾ യോഗം ചേർന്നു

മുസ്ലീംലീഗിന് വീണ്ടും പുനലൂർ നൽകിയാൽ ഒറ്റയ്ക്ക് മൽസരിക്കാനാണ് കോൺഗ്രസ് നീക്കം. പുനലൂരിൽ കോൺഗ്രസ് നേതാക്കൾ യോഗം ചേർന്നു. പഞ്ചായത്തുകളിലെ സ്ഥാനങ്ങളടക്കം രാജിവെക്കുമെന്നാണ് ഉയർത്തുന്ന ഭീഷണി. അതിനിടെ, പുനലൂർ സീറ്റ് ലീഗിൽ നിന്ന് തിരിച്ചെടുക്കണമെന്ന് ആവശ്യപ്പെട്ട് കോൺ​ഗ്രസ്, നേതൃത്വത്തെ സമീപിച്ചു.

കൊല്ലം: നിയമസഭാ തെരഞ്ഞെടുപ്പിൽ കൊല്ലം ജില്ലയിലെ പുനലൂർ സീറ്റിനെ ചൊല്ലി കോൺഗ്രസ് പൊട്ടിത്തെറിയിലേക്ക്. മുസ്ലീംലീഗിന് വീണ്ടും പുനലൂർ നൽകിയാൽ ഒറ്റയ്ക്ക് മൽസരിക്കാനാണ് കോൺഗ്രസ് നീക്കം. പുനലൂരിൽ കോൺഗ്രസ് നേതാക്കൾ യോഗം ചേർന്നു. പഞ്ചായത്തുകളിലെ സ്ഥാനങ്ങളടക്കം രാജിവെക്കുമെന്നാണ് ഉയർത്തുന്ന ഭീഷണി. അതിനിടെ, പുനലൂർ സീറ്റ് ലീഗിൽ നിന്ന് തിരിച്ചെടുക്കണമെന്ന് ആവശ്യപ്പെട്ട് കോൺ​ഗ്രസ്, നേതൃത്വത്തെ സമീപിച്ചു. കെപിസിസിക്കും, ഹൈക്കമാൻഡിനും നേരത്തെ നേതാക്കൾ നിവേദനം നൽകിയിരുന്നു. കഴിഞ്ഞ രണ്ട് തവണയും മുസ്ലീംലീഗ് സ്ഥാനാർത്ഥികൾ പുനലൂരിൽ പരാജയപ്പെട്ടിരുന്നു. ഇതോടെയാണ് സീറ്റ് കോൺ​ഗ്രസിന് വേണമെന്ന ആവശ്യം ശക്തമാക്കിയത്.