പൂണെ - കന്യാകുമാരി എക്സ്പ്രസ്സ് ഇന്ന് ആലപ്പുഴ വഴി; കൂടുതൽ സ്റ്റേഷനുകളിൽ താത്കാലിക സ്റ്റോപ്പ് 

ഏറ്റുമാനൂർ - കോട്ടയം - ചിങ്ങവനം പാതയിരിട്ടിപ്പക്കൽ അവസാനഘട്ട പ്രവർത്തികൾക്കായുള്ള ട്രാഫിക്ക് നിയന്ത്രണം ഏർപ്പെടുത്തിയതോടെയാണ് നിലവിൽ അഞ്ച് മണിക്കൂർ വൈകിയോടുന്ന പൂണെ - കന്യാകുമാരി എക്സ്പ്രസ്സ് ആലപ്പുഴ വഴി തിരിച്ചു വിടുന്നത്

തിരുവനന്തപുരം: പൂണെ - കന്യാകുമാരി എക്സ്പ്രസ്സ് ഇന്ന് ആലപ്പുഴ വഴി സർവീസ് നടത്തും. പൂണെ ജംഗ്ഷനിൽ നിന്ന് വെള്ളിയാഴ്ച(27.05.22ന്) പുറപ്പെട്ട കന്യാകുമാരി പ്രതിദിന (16381) ജയന്തി ജനത എക്സ്പ്രസ്സ് ഇന്ന് (29.05.22) ആലപ്പുഴ വഴിയാകും സർവീസ് നടത്തുക. ഏറ്റുമാനൂർ - കോട്ടയം - ചിങ്ങവനം പാതയിരിട്ടിപ്പക്കൽ അവസാനഘട്ട പ്രവർത്തികൾക്കായുള്ള ട്രാഫിക്ക് നിയന്ത്രണം ഏർപ്പെടുത്തിയതോടെയാണ് നിലവിൽ അഞ്ച് മണിക്കൂർ വൈകിയോടുന്ന പൂണെ - കന്യാകുമാരി എക്സ്പ്രസ്സ് ആലപ്പുഴ വഴി തിരിച്ചു വിടുന്നത്. ഇന്ന് ട്രെയിനിന് ചേർത്തല, ആലപ്പുഴ, അമ്പലപ്പുഴ, ഹരിപ്പാട് സ്റ്റേഷനുകളിൽ താത്കാലിക സ്റ്റോപ് അനുവദിച്ചിട്ടുണ്ട്.

ഇന്ന് എറണാകുളത്തിനും കായംകുളത്തിനും ഇടയിൽ ആലപ്പുഴ വഴി സർവീസ് തിരിച്ചുവിടുമെന്ന് ചെയ്യുമെന്ന് നേരത്തെ അറിയിച്ചിരുന്ന ട്രെയിനുകൾ

സിൽച്ചർ - തിരുവനന്തപുരം എക്സ്പ്രസ്(12508)

ന്യൂഡൽഹി- തിരുവനന്തപുരം കേരളാ എക്സപ്രസ്(12626)

തിരുവനന്തപുരം- ന്യൂഡെൽഹി കേരളാ എക്സ്പ്രസ്(12625)

ബംഗളൂരു- കന്യാകുമാരി ഐലന്റ് എക്സ്പ്രസ്(16526).

കന്യാകുമാരി- ബംഗളൂരു ഐലന്റ് എക്സ്പ്രസ്(16525)

ലോക്മാന്യ തിലക് - കൊച്ചുവേളി എക്സ്പ്രസ്(22113)

കന്യാകുമാരി - പൂണെ എക്സ്പ്രസ്(16382)

മംഗളൂരു - നാഗർകോവിൽ പരശുറാം എക്സ്പ്രസ് (16649)

കൊച്ചുവേളി- ലോക്മാന്യ തിലക് ഗരീബ് രഥ് എക്സ്പ്രസ്(12202)

നാഗർകോവിൽ- ഷാലിമാർ ഗുരുദേവ് എക്സ്പ്രസ്( 12659).