'മലയാളികളേ, ഒത്തു പിടിച്ചാല് എയര് ഇന്ത്യ നമുക്ക് എയര് കേരളയാക്കാം; വൈറലായി സന്ദീപാനന്ദ ഗിരിയുടെ കുറിപ്പ്
Synopsis
പ്രവാസികള് ഉള്പ്പെടെ ലോകത്തെ സകലമാന മലയാളികളും ഒത്തുപിടിച്ചാല് എയര് ഇന്ത്യ, എയര് കേരള എന്ന രൂപത്തില് നമ്മുടെ കൈയിലിരിക്കുമെന്ന് സന്ദീപാനന്ദ ഗിരി പറയുന്നു.
തിരുവനന്തപുരം: പൊതുമേഖലാ വിമാനക്കമ്പനിയായ എയര് ഇന്ത്യയെ സ്വകാര്യ മേഖലയ്ക്ക് വില്ക്കുമെന്ന് കേന്ദ്ര ധനകാര്യമന്ത്രി നിര്മ്മല സീതാരാമന് കഴിഞ്ഞ ദിവസം വ്യക്തമാക്കിയിരുന്നു. കേന്ദ്ര നീക്കത്തിനെതിരെ വലിയ പ്രതിഷേധങ്ങളാണ് ഉയരുന്നത്. കേന്ദ്ര നീക്കത്തിനെതിരെ സ്വാമി സന്ദീപാനന്ദ ഗിരി ഫേസ്ബുക്കിലിട്ട പോസ്റ്റ് വൈറലായിരിക്കുകയാണ്.
ലോകത്തിലെ സകലമാന മലയാളികള് ഒത്തുപിടിച്ചാല് എയര് ഇന്ത്യ എയര് കേരള എന്ന രൂപത്തില് നമ്മുടെ കൈയിലിരിക്കുമെന്നാണ് സ്വാമി സന്ദീപാനന്ദ ഗിരി ഫേസ്ബുക്കില് കുറിച്ചത്. പ്രവാസികള് ഉള്പ്പെടെ ലോകത്തെ സകലമാന മലയാളികളും ഒത്തുപിടിച്ചാല് എയര് ഇന്ത്യ, എയര് കേരള എന്ന രൂപത്തില് നമ്മുടെ കൈയിലിരിക്കുമെന്ന് സന്ദീപാനന്ദ ഗിരി പറയുന്നു.
നേരത്തെ എയര് കേരള എന്ന പേരില് വിമാന സര്വീസ് തുടങ്ങുന്ന കാര്യം കേരള സര്ക്കാര് ആലോചിച്ചിരുന്നു. സന്ദീപാന്ദയുടെ പോസ്റ്റ് സോഷ്യല് മീഡിയയില് പ്രചരിക്കുകയാണ്.
ഫേയ്സ് ബുക്ക് പോസ്റ്റിന്റെ പൂര്ണരൂപം
കേരളത്തെ സ്നേഹിക്കുന്ന ലോകത്തിലെ സകലമാന മലയാളികള് ഒത്തുപിടിച്ചാല് എയര് ഇന്ത്യ എയര് കേരള എന്ന രൂപത്തില് നമ്മുടെ കയ്യിലിരിക്കും.
ഹോ ആലോചിക്കുമ്പോള്………..
ഡല്ഹി,മുംബൈ,ഗുജറാത്ത് എയര്പോര്ട്ടില് എയര് കേരള ലാന്റ് & ടൈക്കോഫ് ചെയ്യുന്നത് ഒന്നു സങ്കല്പിച്ചു നോക്കൂ.
മുണ്ടും സാരിയും ഉടുത്തവര് നമ്മെ സ്വീകരിക്കാന് വിമാനത്തിനകത്ത്
വെല്ക്കം ഡ്രിംങ്ക് ഇളനീരും കോഴിക്കോടന് ഹലുവയും!
ലഞ്ച് പാരഗണ് ബിരിയാണി& ബീ.ടി.എച്ച് സദ്യ
ഡിന്നര് കോട്ടയം കപ്പ&
ഇന്ത്യന് കോഫി ഹൌസ് മാതൃകയില് #വിജയിപ്പിക്കാം
മതി മതി ആലോചിക്കാന് വയ്യ…
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam