വെള്ളക്കെട്ടുള്ള റോഡില് വിദ്യാര്ത്ഥികളെ ഇറക്കിവിട്ട് സ്കൂള് ബസ് ഡ്രൈവര്; പാതിവഴിയിൽ കുടുങ്ങി കുട്ടികള്
Synopsis
കണ്ണൂര് ചമ്പാട് ചോതാവൂര് സ്കൂളിലെ ഇരുപതോളം കുട്ടികളെയാണ് സ്കൂള് ബസ് ഡ്രൈവര് പാതിവഴിയിൽ ഇറക്കിവിട്ടത്. റോഡില് വെള്ളം കയറിയതിനാല് വീട്ടിലെത്താനാകാതെ കുട്ടികള് വഴിയില് കുടുങ്ങി.
കണ്ണൂര്: വെള്ളക്കെട്ടുള്ള റോഡില് വിദ്യാര്ത്ഥികളെ ഇറക്കിവിട്ട് സ്കൂള് ബസ് ഡ്രൈവര്. കണ്ണൂര് ചമ്പാട് ചോതാവൂര് സ്കൂളിലെ ഇരുപതോളം കുട്ടികളെയാണ് സ്കൂള് ബസ് ഡ്രൈവര് പാതിവഴിയിൽ ഇറക്കിവിട്ടത്. റോഡില് വെള്ളം കയറിയതിനാല് വീട്ടിലെത്താനാകാതെ കുട്ടികള് വഴിയില് കുടുങ്ങി. റോഡിൽ ഒരാൾപ്പൊക്കം വെള്ളമുണ്ടായിരുന്നു. സംഭവത്തില് സ്കൂള് അധികൃതര്ക്കെതിരെ പ്രതിഷേധവുമായി നാട്ടുകാര് രംഗത്തെത്തി.
അതേസമയം, കോഴിക്കോട് ചെക്യാട് പഞ്ചായത്തിൽ സ്കൂൾ ബസ് റോഡിലെ വെള്ളക്കെട്ടിൽ കുടുങ്ങി. പാലം മറികടക്കാൻ ശ്രമിക്കവെയാണ് ബസ് വെള്ളക്കെട്ടിൽ നിന്നുപോയത്. ബസിൽ 25 ൽ അധികം കുട്ടികൾ ഉണ്ടായിരുന്നു. സ്കൂൾ കുട്ടികളെ നാട്ടുകാർ ചേര്ന്ന് ബസ്സിൽ നിന്ന് പുറത്തിറക്കി. എൽ.കെ.ജി, യു.കെ.ജി, എൽ.പി സ്കൂൾ വിദ്യാർത്ഥികളാണ് ബസിൽ ഉണ്ടായിരുന്നത്. കനത്ത മഴയുണ്ടായിട്ടും കോഴിക്കോട്ടെ സ്കൂളുകൾക്ക് അവധി നൽകിയിരുന്നില്ല.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam