പൊലീസുകാരനെതിരെ ലൈംഗികാതിക്രമ കേസ്; `വഴങ്ങിയില്ലെങ്കിൽ ലഹരി കേസിൽ പെടുത്തുമെന്ന് ഭീഷണി'

പൊലീസുകാരനെതിരെ ലൈംഗികാതിക്രമ കേസ്. എളമക്കര പൊലീസ് സ്റ്റേഷനിലെ ഗ്രേഡ് എസ്ഐ മുജീബ് റഹ്‌മാനെതിരെയാണ് കേസ്.

എറണാകുളം: കൊച്ചിയില്‍ പൊലീസുകാരനെതിരെ ലൈംഗികാതിക്രമ കേസ്. എളമക്കര പൊലീസ് സ്റ്റേഷനിലെ ഗ്രേഡ് എസ്ഐ മുജീബ് റഹ്മാനെതിരെയാണ് കേസെടുത്തത്. പരാതിയുമായി പൊലീസ് സ്റ്റേഷനിലെത്തിയ യുവതിയെ ലൈംഗിക ഉദ്ദേശ്യത്തോടെ മുജീബ് പിന്തുടര്‍ന്ന് ശല്യപ്പെടുത്തിയതായാണ് പരാതി. 2025ലായിരുന്നു സംഭവം. ലൈംഗിക താല്‍പര്യങ്ങള്‍ക്ക് വഴങ്ങിയില്ലെങ്കില്‍ ലഹരി കേസില്‍പ്പെടുത്തുമെന്ന് ഭീഷണി മുഴക്കിയെന്നും യുവതി പരാതിയില്‍ പറഞ്ഞിട്ടുണ്ട്. കേസ് എടുത്തതിനു പിന്നാലെ മുജീബ് റഹ്മാന്‍ ഒളിവില്‍ പോയെന്നും ഇയാളെ കണ്ടെത്താന്‍ അന്വേഷണം തുടരുകയാണെന്നും എളമക്കര പൊലീസ് അറിയിച്ചു.