കോഴിക്കോട് ലോ കോളേജിൽ എസ്എഫ്ഐ-എഐഎസ്എഫ് സംഘർഷം; രണ്ട് പേർക്ക് പരിക്ക്

 എ ഐ എസ് എഫ് പ്രവർത്തകനായ ഡൽവിൻ, എസ് എഫ് ഐ പ്രവർത്തകൻ അനുരാഗ് എന്നിവർക്കാണ് പരിക്കേറ്റത്. 

കോഴിക്കോട്: കോഴിക്കോട് ലോ കോളേജിൽ എസ് എഫ് ഐ-എ ഐ എസ് എഫ് സംഘർഷത്തിൽ രണ്ട് പേർക്ക് പരിക്ക്. എ ഐ എസ് എഫ് പ്രവർത്തകനായ ഡൽവിൻ, എസ് എഫ് ഐ പ്രവർത്തകൻ അനുരാഗ് എന്നിവർക്കാണ് പരിക്കേറ്റത്. 

കോളേജ് യൂണിയൻ ഓഫീസ് എസ്എഫ്ഐ ഏകപക്ഷീയമായി കൈയ്യടക്കി വച്ചിരിക്കുന്നത് എ ഐ എസ് എഫ് ചോദ്യം ചെയ്തതോടെയാണ് സംഘർഷം ഉണ്ടായത്. യൂണിയൻ ഓഫീസിന് ചുവന്ന പെയിന്‍റ് അടിച്ചതിനെ ചൊല്ലി കഴിഞ്ഞ ദിവസം കെ എസ് യു - എസ് എഫ് ഐ സംഘർഷം ഉണ്ടായിരുന്നു.