സുനാമിയെ തടുത്ത് നിര്‍ത്തിയ പിച്ചാവരത്തിന്‍റെ കഥ; 'കടലോളം കാട്' എക്സിൽ പങ്കുവെച്ച് ശശി തരൂർ എംപി

പ്രകൃതി സംരക്ഷണം എന്നത് പ്രകൃതിയോടുള്ള ഒരു ഔദാര്യമല്ല, മറിച്ച് നമ്മുടെ തന്നെ നിലനിൽപ്പിനായുള്ള ഒരു നിക്ഷേപമാണെന്ന സത്യം ഹൃദയസ്പർശിയായി ഓർമ്മിപ്പിക്കുന്നതാണ് ഏഷ്യാനെറ്റ് ന്യൂസിലെ കെ. അരുൺ കുമാർ ഒരുക്കിയ ഈ മനോഹരമായ ഡോക്യുമെന്ററിയെന്ന് തരൂർ പറഞ്ഞു.

തിരുവനന്തപുരം: സുനാമിയെ തടുത്ത് നിര്‍ത്തിയ പിച്ചാവരത്തിന്‍റെ കഥ പറഞ്ഞ, കണ്ടലിനെ കൺകണ്ട ദൈവമായി കാണുന്ന മനുഷ്യരെക്കുറിച്ചുള്ള ഏഷ്യാനെറ്റ് ന്യൂസിലെ കെ. അരുൺ കുമാർ 'കടലോളം കാട്' എക്സിൽ പങ്കുവെച്ച് ശശി തരൂർ എംപി. 2004-ൽ തമിഴ്‌നാട് തീരത്ത് സുനാമി ആഞ്ഞടിച്ചപ്പോൾ, കടലിനും അതിനു പിന്നിലുള്ള ഗ്രാമങ്ങൾക്കുമിടയിൽ ഒരു ജീവനുള്ള മതിലായി പിച്ചാവരത്തെ കണ്ടൽക്കാടുകൾ നിലകൊണ്ടതിനെക്കുറിച്ചുള്ള 'കടലോളം കാട്' എന്ന ഫീച്ചർ സ്റ്റോറിയാണ് തരൂർ സോഷ്യൽ മീഡിയയിൽ പങ്കുവെച്ചത്. പ്രകൃതി സംരക്ഷണം എന്നത് പ്രകൃതിയോടുള്ള ഒരു ഔദാര്യമല്ല, മറിച്ച് നമ്മുടെ തന്നെ നിലനിൽപ്പിനായുള്ള ഒരു നിക്ഷേപമാണെന്ന സത്യം ഹൃദയസ്പർശിയായി ഓർമ്മിപ്പിക്കുന്നതാണ് ഏഷ്യാനെറ്റ് ന്യൂസിലെ കെ. അരുൺ കുമാർ ഒരുക്കിയ ഈ മനോഹരമായ ഡോക്യുമെന്ററിയെന്ന് തരൂർ പറഞ്ഞു.

When the 2004 tsunami struck the coast of Tamil Nadu, the mangroves of Pichavaram stood as a living wall between the sea and the villages behind them.

Two decades on, the people they sheltered return the favour: revering the forest as a "living god," protecting it through village mangrove councils, and earning sustainable livelihoods from beekeeping and eco-tourism.

This is a moving reminder that conservation is not charity towards nature but an investment in our own survival, featured in a beautifully produced documentary by K. Arun Kumar of @AsianetNewsML .

https://t.co/uiQqdMx8Qp

— Shashi Tharoor (@ShashiTharoor) October 5, 2026

രണ്ട് പതിറ്റാണ്ടുകൾക്കിപ്പുറം, തങ്ങളെ സംരക്ഷിച്ച ആ വനത്തോടുള്ള കടപ്പാട് അവിടുത്തെ ജനങ്ങൾ തിരികെ നൽകുന്നുണ്ടെന്നും, അവർ ആ വനത്തെ ഒരു "ജീവനുള്ള ദൈവമായി" കരുതി ആദരിക്കുകയും, ഗ്രാമീണ കണ്ടൽ സംരക്ഷണ സമിതികളിലൂടെ അതിനെ സംരക്ഷിക്കുകയും, തേനീച്ചവളർത്തൽ, പരിസ്ഥിതി സൗഹൃദ വിനോദസഞ്ചാരം എന്നിവയിലൂടെ സുസ്ഥിരമായ ഉപജീവനമാർഗ്ഗം കണ്ടെത്തുകയും ചെയ്യുന്നുവെന്ന് വീഡിയോ പങ്കുവെച്ച് തരൂർ എക്സിൽ കുറിച്ചു.