രാഷ്ട്രീയ നിയമനങ്ങൾക്ക് 'റെഡ് കാർഡ്', കായികമേഖലയിൽ രാഷ്ട്രീയ നിയമനങ്ങൾ ഒഴിവാക്കാൻ പുതിയ ഏജൻസി രൂപീകരിക്കാൻ സർക്കാർ

കായികമേഖലയിലെ രാഷ്ട്രീയ നിയമനങ്ങൾ ഒഴിവാക്കാൻ സംസ്ഥാന സർക്കാർ പുതിയ നിയമനിർമാണം കൊണ്ടുവരുന്നു.

തിരുവനന്തപുരം : കായികമേഖലയിൽ രാഷ്ട്രീയ നിയമനങ്ങൾ ഒഴിവാക്കാൻ നിയമനിർമാണം കൊണ്ടുവരാൻ സംസ്ഥാന സർക്കാർ. സ്പോർട്സ് കൗൺസിലിന് പകരം പുതിയ ഏജൻസി രൂപീകരിക്കാനാണ് തീരുമാനം. കായിക മന്ത്രി അധ്യക്ഷനായി സ്പോർട്സ് അതോറിറ്റി ഓഫ് കേരളം രൂപീകരിക്കാനാണ് തീരുമാനം. പ്രഗത്ഭരായ കായിക താരങ്ങൾ അംഗങ്ങളാകും. നയരൂപീകരണത്തിന് കായിക താരങ്ങൾ ഉൾപ്പെട്ട സമിതി രൂപീകരിക്കും. ഇതോടെ ജില്ലാതലത്തിലും സ്പോർട്സ് കൗൺസിലുകൾ ഇല്ലാതാകും. കായിക ബില്ല് വരുന്ന സഭാ സമ്മേളനത്തിൽ അവതരിപ്പിക്കും.