അർധരാത്രി പൂട്ട് പൊളിച്ച് കയറി, മേശവലിപ്പ് തുറന്ന് മോഷണം; പാണ്ടിക്കാട്ടെ കച്ചവടക്കാരന് നഷ്ടപ്പെട്ടത് അരലക്ഷം രൂപ

മലപ്പുറം പാണ്ടിക്കാട് പലചരക്ക് കടയിൽ കള്ളൻ കയറി. കടയുടെ മേശവലിപ്പിൽ സൂക്ഷിച്ചിരുന്ന അരലക്ഷം രൂപ നഷ്ടപ്പെട്ടു

മലപ്പുറം: മലപ്പുറം പാണ്ടിക്കാട് പലചരക്ക് കടയിൽ കള്ളൻ കയറി. കടയുടെ മേശവലിപ്പിൽ സൂക്ഷിച്ചിരുന്ന അരലക്ഷം രൂപ നഷ്ടപ്പെട്ടു. പാണ്ടിക്കാട് പെരിന്തൽമണ്ണ റോഡിലെ കമറുദ്ദീൻ്റെ കടയിലാണ് മോഷണം. അർദ്ധ രാത്രി 12.30 ഓടെയാണ് കള്ളൻ എത്തിയത്. മ‍ര്‍ഹബ സ്റ്റോറിൻ്റെ പൂട്ട് തകര്‍ത്ത് അകത്തു കയറുകയായിരുന്നു. വലിപ്പിലും ബാഗിലും സൂക്ഷിച്ചിരുന്ന പണമാണ് എടുത്തത്. നേരത്തേയും ഇദ്ദേഹത്തിൻ്റെ കടയിൽ മോഷണം നടന്നിട്ടുണ്ട്. മോഷണത്തിന്റെ സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം. സമീപത്തുള്ള അമാന ബേക്കറിയിലും മോഷണശ്രമം നടന്നിട്ടുണ്ട്.