ചരിത്രം ആവർത്തിച്ചു ; 19 വർഷമായി തിരുവാതിര കളിയ്ക്ക് കപ്പ് നേടുന്നത് മലപ്പുറത്തെ ഈ സ്കൂൾ

18 വർഷമായി തുടരുന്ന മികവ് ഇക്കുറിയും ആവർത്തിക്കാനായതിൻ്റെ ആവേശത്തിലാണ് കുട്ടികളും അധ്യാപകരും.

തിരുവനന്തപുരം : 63- മത് സംസ്ഥാന സ്കൂൾ കലോത്സവത്തിൽ തിരുവാതിര കളി. ഹൈസ്കൂൾ വിഭാഗത്തിൽ തുടർച്ചയായ പത്തൊൻപതാം വർഷവും എ ഗ്രേഡ് നേടി മലപ്പുറം എടപ്പാൾ ഡി എച്ച് ഒ എച്ച്എ സ്. കലോത്സവത്തിന്റെ' പ്രധാന വേദിയായ സെൻട്രൽ സ്റ്റേഡിയത്തിലായിരുന്നു ഹൈസ്കൂൾ വിഭാഗം തിരുവാതിര കളി മത്സരം സംഘടിപ്പിച്ചത്. ആദ്യമായി മത്സരത്തിന് ഇറങ്ങിയതും എടപ്പാൾ ഡി എച്ച് ഒ എച്ച് എസ് എസാണ്.

18 വർഷമായി തുടരുന്ന മികവ് ഇക്കുറിയും ആവർത്തിക്കാനായതിൻ്റെ ആവേശത്തിലാണ് കുട്ടികളും അധ്യാപകരും. തൻഹ മെഹസ്, പി.ആര്യ ,എം.ആർ. പാർവണ, ശീതൾമനോജ്‌, കെ.എസ്. ക്യഷ്ണ പ്രിയ, ഗൗരി പ്രദീപ്, എം. ആർ. ഗാഥ, എം ആർ, അമേയ , ക്യഷ്ണ ദീപക്, കൃപ ദീപക് എന്നിവർ അടങ്ങുന്ന സംഘമാണ് തിരുവാതിര അവതരിപ്പിച്ചത്. അരുൺ തേഞ്ഞിപ്പലമാണ് കുട്ടികളുടെ നൃത്താധ്യാപകൻ.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം