യുവതിയെ കബളിപ്പിച്ച് 28 ലക്ഷത്തിന്റെ സ്വര്ണാഭരണ തട്ടിപ്പ്; വിശ്വസിപ്പിച്ചതിന് പിന്നാലെ ചതി, വഞ്ചന മനസിലായതോടെ പരാതി നൽകി, പ്രതി അറസ്റ്റില്
Synopsis
യുവതിയെ കബളിപ്പിച്ച് 28 ലക്ഷത്തോളം രൂപ വിലമതിക്കുന്ന സ്വര്ണാഭരണങ്ങളും, 4,000 രൂപയും തട്ടിയെടുത്ത കേസില് പ്രതി മാള പോലീസിന്റെ പിടിയിലായി
തൃശൂര്: യുവതിയെ കബളിപ്പിച്ച് 28 ലക്ഷത്തോളം രൂപ വിലമതിക്കുന്ന സ്വര്ണാഭരണങ്ങളും, 4,000 രൂപയും തട്ടിയെടുത്ത കേസില് പ്രതി മാള പോലീസിന്റെ പിടിയിലായി. പള്ളുരുത്തി സ്വദേശിയായ സല്മാനുല് ഫാരിസാണ് (27) അറസ്റ്റിലായത്. പള്ളുരുത്തിയില്നിന്നുമാണ് ഇയാളെ പോലീസ് സംഘം പിടികൂടിയത്. സ്വര്ണം തിരികെ നല്കാമെന്ന് പറഞ്ഞു വിശ്വസിപ്പിച്ച് 2024 ജൂണ് മുതല് 2025 ഒക്ടോബര് 30 വരെയുള്ള കാലയളവില് പ്രതി പരാതിക്കാരിയില് നിന്ന് പലതവണകളായി 29.50 പവന് സ്വര്ണാഭരണങ്ങളും 4,000 രൂപയും കൈക്കലാക്കുകയായിരുന്നു.
പറഞ്ഞ കാലാവധി കഴിഞ്ഞിട്ടും സ്വര്ണവും പണവും തിരികെ നല്കാതെ വഞ്ചിച്ചതിനെ തുടര്ന്നാണ് യുവതി കഴിഞ്ഞ വര്ഷം പോലീസില് പരാതി നല്കിയത്. സര്ക്കിള് ഇന്സ്പെക്ടര് എ എന് ഷാജുവിന്റെ നിര്ദേശപ്രകാരം മാള എസ്എച്ച്ഒ വിശാഖ് കെ വിശ്വന്, എസ്ഐ കെആര് സുധാകരന്, സിപിഒ ഹരികൃഷ്ണ ഐയു, ഹോം ഗാര്ഡ് വിനോദ് പിടി എന്നിവരടങ്ങിയ പ്രത്യേക അന്വേഷണ സംഘമാണ് അതിവിദഗ്ദ്ധമായി പ്രതിയെ വലയിലാക്കിയത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam