ലക്ഷദ്വീപിൽ വീണ്ടും കടുത്ത നടപടി; കടൽ തീരത്തെ വീടുകളും ശുചിമുറികളും പൊളിച്ച് മാറ്റണമെന്ന് നോട്ടീസ്

കടൽ തീരത്ത് 20 മീറ്ററിനുള്ളിൽ സ്ഥിതി ചെയ്യുന്ന വീടുകൾക്കാണ് നോട്ടീസ് നൽകിയത്. കവരത്തിയിൽ 102 വീടുകളിലെ താമസക്കാർക്ക്  നോട്ടീസ് കിട്ടിയിട്ടുണ്ട്

കൊച്ചി: ലക്ഷദ്വീപിൽ വീണ്ടും കടുത്ത നടപടിയുമായി അഡ്മിനിസ്ട്രേഷൻ. വീടുകളും ശുചിമുറികളും പൊളിച്ച് മാറ്റണമെന്ന് ആവശ്യപ്പെട്ടാണ് ദ്വീപ് നിവാസികൾക്ക് നോട്ടീസ് നൽകിയത്. കടൽ തീരത്ത് 20 മീറ്ററിനുള്ളിൽ സ്ഥിതി ചെയ്യുന്ന നിര്‍മ്മാണ പ്രവര്‍ത്തനങ്ങൾ അനധികൃതമാണെന്നും അടിയന്തരമായി പൊളിച്ച് നീക്കണമെന്നുമാണ് നോട്ടീസ്.   കവരത്തിയിൽ 102 വീടുകളിലെ താമസക്കാർക്ക് ഇതിനകം  നോട്ടീസ് കിട്ടിയിട്ടുണ്ട്. 

ഇന്ന് 50 വീടുകൾക്ക് കൂടി നോട്ടീസ് നൽകുമെന്നാണ് വിവരം. ഈ മാസം 30നുളളിൽ കാരണം കാണിക്കൽ നോട്ടീസിന് മറുപടി നൽകണം. അല്ലാത്ത പക്ഷം പൊളിച്ചു നീക്കുമെന്നും ഇതിന്‍റെ ചെലവ് ഉടമകളുടെ കയ്യിൽ നിന്ന് ഈടാക്കുമെന്നും മുന്നറിയിപ്പുണ്ട്. കവരത്തി ബ്ലോക്ക് ഡെവലപ്മെൻ്റ് ഓഫിസർ ആണ് ഉത്തരവ് ഇറക്കിയത് 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona